काठमाडौँ । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी राप्रपाले संसदमना आज पनि विरोध जारी राखेको छ । बैठक सुरु हुने वित्तिकै सांसदहरुले उठेर विरोध जनाएका हुन् । त्यसपछि सभामुख देवराज घिमिरेले रास्वपा सांसद असिम शाहलाई बोल्ने समय दिए । 

सो क्रममा केही दिन अघि प्रधानमन्त्री केपी ओलीले आफूहरुलाई व्यवस्था विरोधी र संसद विरोधी भनेको प्रसंग उल्लेख गर्दै प्रधानमन्त्रीलाई त्यसको जवाफ फर्काए । गालिवका कविता वाचन गर्दै उनले भने, ‘तपाईँको मन्त्रीहरुको अनुहारमा धुलो छ, ऐना देखाउने रास्वपालाई गाली गरेर हुन्छ त ?’ 

उनले भिजिट भिसाको नाममा मानव तस्करी गर्नेहरुको फाइल कहाँ पुग्यो भन्दै गृहमन्त्रीलाई प्रश्न गरे । ‘जनताले यो प्रकरण विर्सनेछन् भन्ने नसोच्नुहोला । जनाताले बिर्सने छैनन् । हामी कुनै हालतमा बिर्सन दिने छैनौँ । 

‘यो कस्तो परम्परा नयाँ हो ? भ्रष्ट्राचारको अडियो आयो । घुस मागेको प्रमाण आयो । अनी राजीनामा दिएपछि सबै पाप पखालियो ? राजीनामा भनेको त भ्रष्ट्राचारको पापबाट मुक्ति पाउने पाउने गंगस्नान पो भएन ।’ उनले भने । 

उनले तत्कालिन मन्त्री राजकुमार गुप्ताको अडियो सार्वजनिक भएपछि राजीनामा छानबिनको फाइल बन्द भएको आरोप लगाए । त्यस्तै सोही अडियोमा नाम पोलिएका अर्का मन्त्री र पूर्वमन्त्रीलाई अदृश्य संरक्षण किन दिइएको छ भन्दै प्रश्न गरे । उनले हुँदै नभएको कार्यक्रम बनाएर सरकारी खर्चमा विदेश सयर गर्ने वनमन्त्रीको पनि विषय उठाए । ‘सरकारलाई लाज छैन होला । हामीलाई लाज लागिसक्यो । हामीले के के को मात्र विरोध गर्ने ?’ 

उनले नैतिका छ भने अनुसन्धानको झाडु सिंहदरवारटै सुरु गर्न सुझाव दिए । उनले आफूहरु संसदको विरोधी नभएको बताए । र भिजिट भिसामा छानबिनको माग गर्दै सुरु भएको आफूहरुको आन्दोलन जारी रहेको बताए ।