मुख्य समाचार

रास्वपाले ३ बजे बोलायो सचिवालय बैठक, कुसुम महर्जनको निवेदनमाथि छलफल हुने

सिधाकुरा

मंगलबार, साउन २०, २०८२

रास्वपाले ३ बजे बोलायो सचिवालय बैठक, कुसुम महर्जनको निवेदनमाथि छलफल हुने

काठमाडौँ । राष्ट्रिय स्वतन्त्र पार्टी (रास्वपा)ले आज दिउँसो ३ बजेका लागि सचिवालय बैठक बोलाएको छ । बैठक पार्टी केन्द्रीय कार्यालय, बनस्थलीमा हुने रास्वपाका प्रवक्ता मनिष झाले जानकारी दिए । उनका अनुसार समसामयिक राजनैतिक एवं पार्टी गतिविधिबारे छलफल गर्न बैठक बस्न लागेको हो । बैठकमा रुपन्देहीमा बसेको संसदीय दलको बैठकको अपडेट, रुपन्देही ३ उपनिर्वाचन तयारी र दल दर्ताबारे छलफल हुनेछ ।

यसका साथै सुदूरपश्चिम प्रदेश समस्या समाधान, विधान ब्याख्या, अन्तर्राष्ट्रिय युवा दिवसका अवसरमा आयोजना हुने फ्युचर लिडर्स समिट, भिजिट भिसा प्रकरण छानबिन समितिको म्याद थप, सभापति रवि लामिछानेमाथि भएको राजनीतिक प्रतिशोधविरुद्ध जनताको हस्ताक्षर लगायत विविध विषयमा पनि छलफल हुने प्रवक्ता झाले बताए ।

यस्तै समानुपातिक सांसद उम्मेदवारको सूचीमा रहेकी कुसुम महर्जनले आफ्नो नाम हटाउन दिएको निवेदन माथि छलफल हुने रास्वपाका एक नेताले जानकारी दिए ।
रुपन्देही स्थायी घर भएकी कुसुम महर्जनले उपनिर्वाचनमा उम्मेदवार बन्ने आकांक्षसहित पार्टीमा समानुपातिक सूचिबाट नाम हटाउन निवेदन दिएकी छिन् ।

महर्जन यसअघि ०७९ को निर्वाचनमा रास्वपाको समानुपातिक सूचीको आदिवासी जनजाति कलस्टरमा छिन् ।

प्रकाशित मिति: मंगलबार, साउन २०, २०८२

प्रतिक्रिया दिनुहोस्