समाज

भिजिट भिसा प्रकरण सत्ताको संरक्षणमा लुकाइएको संगठित योजनावद्ध दलाल संरचनाको कर्तुत होः रास्वपा

सिधाकुरा

मंगलबार, साउन २०, २०८२

भिजिट भिसा प्रकरण सत्ताको संरक्षणमा लुकाइएको संगठित योजनावद्ध दलाल संरचनाको कर्तुत होः रास्वपा

काठमाडौँ । राष्ट्रिय स्वतन्त्र पार्टीले भिजिट भिसा प्रकरणमा न्यायिक आयोग र संसदीय छानबिन समिति गठनको माग गर्दै रास्वपाले आज पनि संसदमा विरोध गरेको । भिजिट भिसाको नाममा भएको संगठित भ्रष्टाचारले राष्ट्रकै प्रतिष्ठामा धब्बा लागेको रास्वपा सांसद विराजभक्त श्रेष्ठले बताए ।

Watch On

‘यो केबल व्यक्तिगत भुल होइन । प्रशासमिक त्रुटी होइन । राज्य सत्ताको संरक्षणमा लुकाइएको संगठित योजनावद्ध दलाल संरचनाको कर्तुत हो । र यो काण्डको जरा कहाँसम्म फैलिएको छ भन्ने प्रश्न प्रत्येका नेपालीको मनमा छ ।’

उनले यो प्रकरणको सत्य पूर्णरुपमा बाहिर नआएको भन्दै अहिले बनेको छानबिन समिति टलटुले समिति भएको बताए । ‘भिजिट भिसा प्रकरणको दिर्घकालिन समाधान र गहिरो अनुसन्धानका लागि न्यायीक आयोग वा संसदीय छानबिन समिति गठन गर्न माग गर्दछौँ ।’

उनले सरकार दोषीलाई कारबाही गर्नबाट पन्छिन खोजेको र दलाल संरचनालाई ढकछोप गर्न तल्लिन रहेको आरोप लगाए । जबसम्म यो प्रकरणको न्यायोचित सम्बोधन भई चित्तबुझ्दो र ठोस कारबाही हुँदैन, तबसम्म यो मुद्दा निरन्तर उठाउने सांसल श्रेष्ठले बताए । उनले रास्वपाको आन्दोलन जारी रहेको बताए ।

प्रकाशित मिति: मंगलबार, साउन २०, २०८२

प्रतिक्रिया दिनुहोस्