समाज

ज्यान मार्ने उद्योगको कसुरमा तार्केश्वर ११ का वडा अध्यक्ष बस्नेतसहित ११ जना पक्राउ

सिधाकुरा

मंगलबार, साउन २०, २०८२

ज्यान मार्ने उद्योगको कसुरमा तार्केश्वर ११ का वडा अध्यक्ष बस्नेतसहित ११ जना पक्राउ

पक्राउ परेका वडाअध्यक्ष बस्नेत र घाइते दिनेशकुमार श्रेष्ठ

काठमाडौं । ज्यान मार्ने उद्योगको कसुरमा तार्केश्वर नगरपालिका–११ का अध्यक्ष कविराज बस्नेतसहित ११ जना पक्राउ परेका छन् । बस्नेत नेपाली कांग्रेसबाट निर्वाचित वडा अध्यक्ष हुन् ।

Watch On

जिल्ला प्रहरी परिसर काठमाडौँका एसपी कुलदीप चन्दका अनुसार वडा अध्यक्ष बस्नेत सहित प्रहरीमा पुगेका ११ जनालाई नियन्त्रणमा लिइएको हो । असार २३ गते तार्केश्वर ११ र काठमाडौँ १६ मा पर्ने महादेव खोला करिडोर निमार्णका क्रममा वडा अध्यक्ष बस्नेत सहितका व्यक्तीहरुले दिनेशकुमार श्रेष्ठ माथी आक्रमण गरी घाइते बनाएको भन्दै उनकी श्रीमती चण्डीका श्रेष्ठले बालाजु प्रहरी वृतमा उजुरी दिएकी थिइन् । तर बालाजु प्रहरीले उजुरी दर्ता नगरेपछि प्रहरी परिसर काठमाडौँमा पुगेका थिए । त्यहाँ पनि उजुरी दर्ता नभएपछि पीडित पक्षले हुलाक मार्फत जाहेरी दर्ता गराएको थियो ।

हुलाक मार्फत जाहेरी दर्ता भएपनि अनुसन्धान अघि नबढेपछी पीडित पक्षले सरकारी वकिलको कार्यालय मार्फत जोहरी दिएका थिए । वडा अध्यक्ष सहितको आक्रमणबाट श्रेष्ठको टाउकोमा गम्भिर चोट लागेको थियो ।
एसपी चन्दका अनुसार १३ जना विरुद्ध जाहेरी परेपनि अहिले ११ जना मात्रै पक्राउ परेका छन् । अहिले उनीहरुमाथि अनुसन्धान चलिरहेको प्रहरीले जनाएको छ ।

प्रकाशित मिति: मंगलबार, साउन २०, २०८२

प्रतिक्रिया दिनुहोस्