समाज

बागमती प्रदेशको मुख्यमन्त्रिमा इन्द्रबहादुर बानियाँ नियुक्त

सिधाकुरा

मंगलबार, साउन २०, २०८२

बागमती प्रदेशको मुख्यमन्त्रिमा इन्द्रबहादुर बानियाँ नियुक्त

हेटौँडा । इन्द्रबहादुर बानियाँ बागमती प्रदेश मुख्यमन्त्रि नियुक्त भएका छन् । उनलाई प्रदेश प्रमुख दीपकप्रसाद देवकोटाले मुख्यमन्त्रीमा नियुक्त गरेका हुन् । नेपाली कांग्रेस र नेकपा एमालेका ६४ जना सांसदको समर्थनमा बानियाँ मुख्यमन्त्रिमा नियुक्त भएका हुन् ।

Watch On

नेपाली कांग्रेस बागमती प्रदेश संसदीय दलको नेता बानियाँले सोमबार प्रदेश प्रमुख दीपकप्रसाद देवकोटासमक्ष दाबी पेस गरेका थिए ।

कांग्रेस संसदीय दलका नेता बानियाँ र एमाले संसदीय दलका नेता जगन्नाथ थपलियाले संयुक्त रूपमा प्रदेश प्रमुख देवकोटालाई बुझाइएको पत्रमा बानियाँलाई मुख्यमन्त्री बनाउन कांग्रेसका ३७ जना प्रदेशसभा सदस्य र एमालेका २७ जना प्रदेशसभा सदस्य गरी ६४ जना प्रदेशसभा सदस्यहरूको समर्थन रहेको दाबी गरिएको थियो ।

यही साउन १४ कांग्रेस संसदीय दलको नेता चयनका लागि भएको निर्वाचनमा बानियाँसँग पराजित भएपछि पार्टी सभापति शेरबहादुर देउवाको निर्देशनमा मुख्यमन्त्री बहादुरसिंह लामा तामाङले सोमबार प्रदेश प्रमुखसमक्ष राजीनामा बुझाएका थिए । त्यसपछि यसअघि प्रदेश प्रमुख देवकोटाले आज दिउँसो २ः०० बजेसम्मको समय सीमा दिएर नयाँ मुख्यमन्त्री नियुक्तिका लागि दाबी पेस गर्न आह्वान गरेका थिए ।

प्रकाशित मिति: मंगलबार, साउन २०, २०८२

प्रतिक्रिया दिनुहोस्