मुख्य समाचार

नवनियुक्त मुख्यमन्त्री बानियाँद्वारा सपथग्रहण, ८ मन्त्री नियुक्त

सिधाकुरा

मंगलबार, साउन २०, २०८२

नवनियुक्त मुख्यमन्त्री बानियाँद्वारा सपथग्रहण, ८ मन्त्री नियुक्त

बागमती । बागमती प्रदेशका नवनियुक्त मुख्यमन्त्री इन्द्रबहादुर बानियाँले पद तथा गोपनीयताको सपथ लिएका छन् ।

आज दिउँसो मुख्यमन्त्रीमा नियुक्त बानियाँलाई केही बेरअघि हेटौँडास्थित प्रदेश प्रमुखको कार्यालयमा एक समारोहबीच प्रदेश प्रमुख दीपकप्रसाद देवकोटाले पद तथा गोपनियताको सपथग्रहण गराए ।

प्रदेश प्रमुख देवकोटाले संविधानको धारा १६८ को उपधारा २ बमोजिम बानियाँलाई मुख्यमन्त्रीमा नियुक्त गरेका हुन् ।

नेपाली कांग्रेस र नेकपा (एमाले)का ६४ जना प्रदेशसभा सदस्यहरूको हस्ताक्षरसहित बानियाँले सोमबार प्रदेश प्रमुख देवकोटा समक्ष मुख्यमन्त्रीको दाबी पेश गरेका थिए ।

आजै मुख्यमन्त्री बानियाँले एमालेबाट छ जना र कांग्रेसबाट दुई जना गरी आठ सदस्यीय मन्त्रीपरिषद् विस्तार गरेका छन् ।

यी हुन् नवनियुक्त मन्त्रीहरु

१)शिवराज अधिकारी, विना विभागीय
२) कृष्ण तामाङ, खानेपानी, उर्जा तथा सिचाईं मन्त्रालय
३)किरण थापा मगर, स्वास्थ्य मन्त्री
४) जयराम थापा, श्रम, रोजगार तथा यातायात मन्त्री
५)भरतबहादुर केसी, वन तथा वातावरण मन्त्री
६)मधुसुधन पौडेल, कृषि तथा पशुपन्छी विकास मन्त्री
७)डा. दिनेशचन्द्र देवकोटा, भौतिक पूर्वाधार विकास मन्त्री
८)बिन्दु श्रेष्ठ, उद्योग, वाणिज्य, भूमि तथा प्रशासन मन्त्री

प्रकाशित मिति: मंगलबार, साउन २०, २०८२

प्रतिक्रिया दिनुहोस्