रामहरि खतिवडालाई रास्वपाले सोध्यो नैतिकताको प्रश्न, ‘यो नालायकीपनको जवाफ कसले दिने ?

काठमाडौँ । राष्ट्रिय स्वतन्त्र पार्टीले राज्यव्यवस्था तथा सुशासन समितिका सभापति रामहरि खतिवडाले पदबाट राजीनामा दिनुपर्ने जनाएको छ । 

Watch On

बुधबार बसेको प्रतिनिधिसभा बैठकमा रास्वपाका प्रवक्ता मनिष झाले कुलिङ अफ पिरियडको बारेमा विशेष छानविन समितिले राज्य व्यवस्था समितिका सभापतिमाथि नैतिक प्रश्न उठाएको भन्दै अव सभापतिले राजीनामा दिनुपर्ने बताए । विशेष छानविन समितिको प्रतिवेदनमा आफ्नो नाम छैन भनेर उम्किन नमिल्ने उनको भनाइ छ ।

पत्रिका हातमा लिदै सांसद झा ले भने, ‘यस्तो समाचारहरु देखाएर हामीलाई पटक पटक प्रश्न सोधिने गरिन्थ्यो, नैतिकताको प्रश्न । अब यो कुलिङ अफ पिरियडको बारेमा राज्य व्यवस्था समितिका सभापतिमाथि नैतिक प्रश्न उठेको छ । पहिले समाचार आउँदा हामीलाई नैतिक प्रश्न सोधिन्थ्यो अब उहाँलाई नैतिक प्रश्न । यो नालायकीपनको जवाफ कसले दिने ? मेरो नाम लेखिएको छैन भन्दै उम्किन पाइन्छ ? अहिलेको प्रधानमन्त्री भनेपछि हामी कसको नाम सम्झिन्छौँ ? मेरो नाम लेखिएको छैन भनेर हुन्छ ? यहाँ पदको नाम लेखिएको छ ।’ 

त्यस्तै प्रवक्ता झाले भिजिट भिसा प्रकरणमा मानव बेचबिखन नै भएको यसअघिको छानबिन समितिले उल्लेख गरेको भन्दै आफुहरुले उठाएका बिषयको औचित्य पुष्टि हुँदै गएको बताए ।

भिजिट भिसा प्रकरणमा संसदीय छानविन समिति गठन गर्नुपर्ने माग राख्दै बुधबार पनि रास्वपा सांसदहरुले सदन बहिष्कार गरेका छन् ।