मुख्य समाचार

रवि लामिछानेले थुनामुक्त गर्न माग गर्दै दिएको निवेदनको सुनुवाई न्यायाधीश नारायण सापकोटाको इजलासमा

सिधाकुरा

सोमबार, साउन २६, २०८२

रवि लामिछानेले थुनामुक्त गर्न माग गर्दै दिएको निवेदनको सुनुवाई न्यायाधीश नारायण सापकोटाको इजलासमा

काठमाडौँ । राष्ट्रिय स्वतन्त्र पार्टीका सभापति रवि लामिछानेले आफूलाई थुनामुक्त गरी मुद्दा लड्न दिन माग गर्दै रुपन्देही जिल्ला अदालतमा दिएको निवेदनको आज सुनुवाई हुने भएको छ । उक्त निवेदनको पेसी न्यायाधीश नारायण सापकोटाको इजलासमा परेको छ ।

Watch On

चैत २५ गतेदेखि कारागारमा रहेका रास्वपा सभापति रवि लामिछानेले रिहाइको माग गर्दै रुपन्देही जिल्ला अदालतमा केही दिनअघि निवेदन दर्ता गरेका थिए । उनले मुलुकी फौजदारी कार्यविधि संहिता, २०७४ को दफा ६८ र ७१ अनुसार बैंक जमानतमा रिहा गर्न माग गरेका हुन् ।

रविले सहकारी ठगीमा आफू संलग्न नरहेको र आफ्नो भागको बिगो बराबर रकम बैंक जमानत राखेर रिहा हुन पाउनुपर्ने माग सहित निवेदन दर्ता गराएका हुन् ।

यसअघि जिल्ला अदालत रुपन्देहीले उनलाई एक करोड धरौटीमा रिहा गर्न आदेश दिएको भए पनि उच्च अदालत बुटवल इजलासले जिल्ला अदालतको आदेश बदर गर्दै थुनामा पठाउने आदेश दिएको थियो।

रुपन्देहीमा लामिछानेलाई १० करोड ९९ लाख बराबरको सामूहिक बिगो कायम गरिएको छ, जस मध्ये आफ्नो भाग बराबरको रकम जमानत राखेर थुनामुक्त हुन उनले पुनः निवेदन दिएका हुन्।

प्रकाशित मिति: सोमबार, साउन २६, २०८२

प्रतिक्रिया दिनुहोस्