काठमाडौँ । नेकपा एमालेका प्रमुख सचेतक महेश बर्तौलाले माओवादीले अराजनीतिक र अपराधीक तरिकाबाट सरकारका बिरुद्ध षडयन्त्र गरिरहेको आरोप लगाएका छन् । 

मंगलबार प्रतिनिधिसभाको विशेष समयमा बोल्दै बर्तौलाले सरकारबाट बाहिरिनुको छटपटीले आफुलाई म्याजिक नम्बर भन्नेहरुले सरकारका विरुद्ध अराजनीतिक र अपराधीक तरिकाबाट षड्यन्त्र गरिरहेको आरोप लगाएका हुन् । उनले माओवादीले सत्ता राजनीति र दाउपेजमा दिनरात समय खर्चिरहेको समेत टिप्पणी गरे । 

त्यस्तै राजावादी समर्थक र आफुहरुलाई नयाँ बैकल्पीक भन्ने उदेश्यबिहीन शक्तिहरु अहिलेको सरकारको विरुद्धमा संगठीत रुपमा नै कुप्रचारमा लागेको उनले बताए । बर्तौलाले चौतर्फी प्रहार भएपनि सरकारले एक बर्षको अवधिमा सुशासन र सेवा प्रवाह सुधारका लागि कानूनी पक्षमा धेरै महत्वपूर्ण कामहरु गर्न सफल भएको दावी गरे । 

त्यस्तै उनले रास्वपा र राप्रपाका सांसदहरु संसदीय समितिमा सहभागी हुने तर संसद बहिष्कार गर्ने नाटकको कुनै अर्थ नभएको बताए । त्यसैगरि उनले रवि लामिछानेले बिगो स्वीकार गरेर जमानतमा छुट्न पाउँ भन्दै अदालतमा निवेदन दिएकाले घुमाउरो तरिकाबाट अपराध स्वीकार गरिसकेको तर्क गरे । 

उनले संसदमा रास्वपा सांसदहरुले गालीगलौजको भाषा प्रयोग गरेको भन्दै आपत्ति जनाए । अहिले गरेको विरोध सही लागेपनि पछि यही कार्यशैलिका कारण रास्वपाको अस्तीत्व खतरामा पर्ने उनको भनाइ छ ।