समाज

उपसभामुख इन्दिरा रानालाई हटाउन हस्ताक्षर गर्दै कांग्रेस, एमालेका सांसद

सिधाकुरा

मंगलबार, भदौ ३, २०८२

उपसभामुख इन्दिरा रानालाई हटाउन हस्ताक्षर गर्दै कांग्रेस, एमालेका सांसद

काठमाडौँ । सत्तरुढ दलहरु नेपाली कांग्रेस र नेकपा एमालेले रास्वपाबाट उपसभामुख बनेकी इन्दिरा रानालाई हटाउने तयारी तिब्र पारेको छ ।

Watch On

नेकपा एमालेले आफ्ना सांसदहरुलाई आकश्मिक बैठकका लागि सिंहदरवार बोलाउनुको कारण उपसभामुख इन्दिरा रानालाई हटाउनको लागि हस्ताक्षर गर्न भएको बुझिएको छ । एमालेको संसदीय दलको कार्यालयमा अहिले पनि हस्ताक्षर जारी ।

त्यस्तै नेपाली कांग्रेसले पनि आफ्ना सांसदहरुलाई १२ बजे संसदीय दलको कार्यालयमा उपस्थित हुन भनेको छ । त्यसअघि कांग्रेसको पदाधिकारी बैठक बसिरहेको छ ।

हिजो साँझ बालुवाटारमा बसेको एमाले कांग्रेसका नेताहरुको बैठकले उक्त निर्णय गरेको बुझिएको छ ।

उपसभामुख संवैधानिक परिषद्को सदस्य हुने प्रावधान छ । संवैधानिक परिषद्मा कांग्रेसको प्रतिनिध राख्नको लागि उपसभामुख रानालाई हटाउन लागिएको हो । यस अघि उनलाई महाअभियोग लागाउने तयारी गरिएको थियो । तर चर्को आलोचना भएपछि दुई दल पछि हटेको थियो । अहिले फेरि उक्त कसरत सुरु भएको छ ।

उपसभामुखमाथि उनले आफ्नो पदीय मर्यादा भुलेर ५ जना व्यक्तिहरुलाई भिसाको अन्तर्वार्ताका लागि समय उपलब्ध गराउन पत्र लेखेको आरोप छ ।

प्रकाशित मिति: मंगलबार, भदौ ३, २०८२

प्रतिक्रिया दिनुहोस्