समाज

विद्यालाई ओलीको जवाफः कर्मचारीलाई झुक्याएर हुँदै नभएको रसिद काट्दैमा सदस्यता कायम हुँदैन

सिधाकुरा

शुक्रबार, भदौ ६, २०८२

विद्यालाई ओलीको जवाफः कर्मचारीलाई झुक्याएर हुँदै नभएको रसिद काट्दैमा सदस्यता कायम हुँदैन

काठमाडौँ । नेपाल कम्युनिष्ट पार्टी (एमाले)का अध्यक्ष एवं प्रधानमन्त्री केपी शर्मा ओलीले पूर्वराष्ट्रपति विद्यादेवी भण्डारीको पार्टी सदस्यता कायम हुनु नहुनेबारे एमाले केन्द्रीय कमिटीको निर्णयका सम्बन्धमा स्पष्ट हुन आग्रह गरेका छन् । पार्टी केन्द्रीय कार्यालय, ललितपुरको च्यासलमा आयोजित कार्यक्रममा उनले कर्मचारीलाई झुक्याएर हुँदै नभएको सदस्यता रसिद काट्दैमा सदस्यता कायम नहुने दावी बताए ।

Watch On

उनले भने, ‘अहिले पूर्वराष्ट्रपतिको सदस्यता खोसिएको भन्ने आरोपका कुराहरु आएका छन् । खासमा राष्ट्रपति भएपछि उहाँले पार्टी सदस्यता त्याग्नुभएको हो । कर्मचारीलाई झुक्याएर हुँदै नभएको सदस्यता रसिद काट्दैमा कायम हुँदैन । उहाँले बाहिरबाहिर बोल्नुभएको छ ।’

त्यस्तै पूर्वराष्ट्रपति भण्डारीले सदस्यता नवीकरणका लागि कुनै निवेदन नदिएको बताए । ओलीले भण्डारीबाट यस्तो असहयोगको अपेक्षा नगरेको बताए ।

‘पार्टीमा आएर सदस्यता नवीकरण र नयाँ सदस्यताका लागि निवेदन दिनुभएको पनि छैन ।’ उनले भने, ‘पार्टीमा असन्तुष्ट र एकाध जनसङ्गठनमा हारेकाहरुलाई जम्मा गरेर उहाँले पार्टी एकतामा यसरी असहयोग गर्नुहोला भन्ने हामीले कल्पना पनि गरेका थिएनौँ ।’

प्रकाशित मिति: शुक्रबार, भदौ ६, २०८२

प्रतिक्रिया दिनुहोस्