समाज

एमाले महाधिवेशनः देशैभरि दुई हजार प्रतिनिधि छनोट

सिधाकुरा

शनिबार, मंसिर १३, २०८२

एमाले महाधिवेशनः देशैभरि दुई हजार प्रतिनिधि छनोट

नेकपा (एमाले)को यही मङ्सिर २७ देखि २९ गते सम्म हुन लागेको ११ औँ महाधिवेशनका लागि लमजुङबाट प्रतिनिधि छनोटका लागि बेँसीसहर नगरपालिका-८ मा शनिबार बिहान मतदान गर्न लामबद्ध कार्यकर्ता । तस्बिर : जनक श्रेष्ठ / रासस

काठमाडौँ। नेपाल कम्युनिष्ट पार्टी (एमाले)को ११औँ राष्ट्रिय महाधिवेशनका आज देशैभरि प्रतिनिधि छनोट भएका छन् । महाधिवेशनका लागि आज देशभरि शान्तिपूर्ण रूपमा करिब दुई हजार २०० प्रतिनिधि छनोट भएका हुन् ।

Watch On

एमाले प्रचार विभाग प्रमुख राजेन्द्र गौतमले सबैजसो कमिटीमा आज प्रतिनिधि छनोट सम्पन्न भएको बताए । “धेरैजसो कमिटीमा सर्वसम्मत रूपमा प्रतिनिधि छनोट भएका छन्”, उनले भने, “केही ठाउँमा निर्वाचनको माध्यमबाट प्रतिनिधि छनोट भएका छन् ।”

उनले छिटफुट रूपमा रोकिएको प्रतिनिधि छनोट प्रक्रिया पनि निर्वाचनबाट टुङ्ग्याउने निर्देशन दिएको बताए । उनका अनुसार एक प्रतिनिधि निर्वाचन क्षेत्रबाट खुला, महिला र युवा गरी चार जना प्रतिनिधि छनोट हुनेछन् । आज छनोट भएका प्रतिनिधि विवरण यही मङ्सिर १५ गतेभित्र पार्टी केन्द्रीय कार्यालयमा पठाइसक्न एमालेले निर्देशन दिएको छ । एमालेले यही मङ्सिर २७ देखि २९ गतेसम्म भक्तपुरमा महाधिवेशन हुने जनाएको छ ।

प्रकाशित मिति: शनिबार, मंसिर १३, २०८२

प्रतिक्रिया दिनुहोस्