समाज

महाधिवेशन सार्ने षडयन्त्र नगर्न काँग्रेस नेताहरुको चेतावनी

सिधाकुरा

बिहीबार, मंसिर १८, २०८२

महाधिवेशन सार्ने षडयन्त्र नगर्न काँग्रेस नेताहरुको चेतावनी

काठमाडौँ । विशेष महाधिवेशनका लागि हस्ताक्षर गर्ने कांग्रेसका नेताहरुले पार्टीको महाधिवेशन सार्ने षडयन्त्र नगर्न चेतावनी दिएका छन् ।

Watch On

विशेष महाधिवेशनका लागि हस्ताक्षरका तर्फबाट बिहीबार काठमाडौंमा आयोजित १५ औं महाधिवेशनको तयारी बिषयक अन्तक्र्रियामा उनीहरुले नियमित महाधिवेशन अवरुद्ध भए विशेष महाधिवेशन हुने भन्दै महाधिवेशन सार्ने षडयन्त्र नगर्न चेतावनी दिएका हुन् ।

कार्यक्रममा कांग्रेसका नेता गुरुराज घिमिरेले केन्द्रीय समितिबाट पारित कार्यकालिकामा तलमाथि भए विशेष महाधिवेशनको अवस्था आउने बताए । उनले निर्धारित गरिएको पार्टीको नियमित सार्ने खेलमा नलाग्न सुझाव समेत दिए ।

विशेष महाधिवेशनको दवाव दिएपछि मात्रै पार्टी नेतृत्व निर्वाचन अघि नियमित महाधिवेशन गर्न तयार भएको उनको भनाइ छ । उनले बहुमतको शक्तिका साथ आफुहरु महाधिवेशनको तयारीमा जुट्ने धारणा व्यक्त गरे ।

महाधिवेशनमा आफुहरुको पक्ष निर्णायक रहेकाले कमजोर नठान्न उनले सुझाव दिए । उनले पार्टीले निर्धारण गरेको कार्यतालिकालाई सफल बनाउन भूमिका खेल्ने समेत बताए । घिमिरेले अव निर्वाचन क्षेत्रमा क्रियाशिल हुन आग्रह गर्दै कसैले अप्ठेरो पारे एकताबद्ध भएर सामना गर्ने जिकिर गरे ।

प्रकाशित मिति: बिहीबार, मंसिर १८, २०८२

प्रतिक्रिया दिनुहोस्