म माथि नियोजित दुव्र्यवहार भयो–सांसद सोविता गौतम

काठमाडौँ । राष्ट्रिय स्वतन्त्र पार्टीकी सांसद सोबिता गौतमले आफूमाथि एक संगठनका युवाहरुले दुव्र्यवहार भएको बताएकी छिन् । आइतबार प्रतिनिधिसभाको बैठकमा बोल्दै सांसद गौतमले आफू आफ्नो निर्वाचन क्षेत्रको अनुगमनमा जाँदा कागेश्वरी मनोहरास्थित मनकामना टोलमा लागू पदार्थ र मादक पदार्थले लठ्ठ भएका युवाहरुबाट दुव्र्यवहारमा परेको बताएकी हुन् । 

Watch On

पहिरोले सो क्षेत्रको सडक नै बगाएपछि त्यसको अनुगमनमा आफू जाँदा त्यहाँको चिया पसलमा लठ्ठिएर बसेका युवाहरुले आफूलाई घेरेर अपाच्य शब्दले गालीगलौज गरेको बताएकी हुन् । ‘म त्यहाँ पुग्दा साँझ भइसकेको थियो । सुरुमा मलाई पहिरो देखाउनका लागि केही स्थानीयहरु मलाई त्यहाँ कुरेर बस्नुभएको थियो । त्यहाँ गएर म पहिरोको अवलोकन गरेर फर्किएँ ।’ उनले थपिन, ‘फर्किएर आउँदा म र मेरो स्वकीय सचिव मात्र थियौँ । त्यस समयमा त्यो चिया पसलमा १५÷२० जना युवा साथीहरु जम्मा भइसक्नु भएको थियो र उहाँहरु सामान्य अवस्थामा हुनुहुन्न थियो । उहाँहरु कोही गाँजाको नशामा लठ्ठ हुनुहुन्थ्यो, कोही रक्सीले मात्तिएको हुनुहुन्थ्यो, कोही सामान्य अवस्थामा पनि हुनुहुन्थ्यो । उहाँहरुले एकाएक मलाई घेर्नुभयो ।’

अवलोकनपश्चात फर्किएका उनीहरुले आफूमाथि पार्टी र अन्य विविध विषयलाई जोडेर गालीगलौज गरेको बताइन् । ‘तपाईँ बुढो मान्छेले बोलाएको ठाउँमा मात्र जाने भनेर एकाएक घेरेर मलाई प्रश्न गर्न थाल्नुभयो । चक्रव्यूहजस्तो त्यहाँ रचियो । उहाँहरुले ठूलो ठूलो आवाजमा मुख छोडेर तथानाम गाली गर्नुभयो ।’, सोबिताले भनिन्, ‘त्यतिञ्जेल मैले म तपाईँहरुको कुरा सुन्छृु, के छ राख्नुहोस भनिरहेँ, नम्र शैलीले राख्नुस् भनेँ, तर त्यहाँ एकजनाले मात्र हैन, १० जना सम्मले आफूलाई घेरेर दुव्र्यवहार गरे ।’

सांसद गौतमले जनप्रतिनिधि आफ्नो निर्वाचन क्षेत्रमै असुरक्षित भएको र कुनै राष्ट्रिय दलको भातृ सङ्गठनका युवा नेताहरुले आफूमाथि दुव्र्यवहार गरेको भन्दै संसदमा सुरक्षामा माग गरेकी छिन् । त्यस्तै उनले आफ्ना कार्यकर्ताहरुले गरेको हर्कतको जिम्मेवारी सम्बद्ध राष्ट्रि दलले लिने नलिने भन्दै प्रश्न उठाएकी छिन् ।