नेभिगेशन
सबै कुरा

एफवान सफ्टकाे सुरक्षा कमजोरीले चोरिएको साढे ३ करोड प्रकरणमा पक्राउ परेकाहरू धरौटीमा छुटे

काठमाडौँ । एफवान सफ्टबाट शङ्कास्पद चोरी भएको रकम खातामा गएको कसुरमा समातिएकालाई धरौटीमा छोड्न अदालतले आदेश दिएको छ। जिल्ला अदालत काठमाडौँले प्रहरीले पक्राउ गरेर मुद्दा बुझाएका ९ जनालाई धरौटीमा छाड्न आदेश दिएको हो।

मङ्गलबार न्यायाधीश महेन्द्रबहादुर कार्कीको इजलासले पक्राउ परेका सबैलाई धरौटीमा छाड्न आदेश दिएको हो । आदेशमा सिरहाका राहुल ठाकुर र पुरुषोत्तम साहलाई जनही ५ लाख धरौटीमा रिहा गर्न आदेश दिइएको छ।

यस्तै, उदयपुरको बेलकाका दीपक थापा मगरलाई ५० हजार रुपैयाँ, बेलका नगरपालिकाका कमल थापा मगरलाई २ लाख, सप्तरीका कृष्ण रमण राउत, सप्तरीकै सञ्जीवकुमार शर्मा, सुनसरीको धरान ८ का सन्देश राई, सुनसरीको देवानगञ्ज ५ का सागर कुमार साह र ललितपुरका त्रिगुण रत्न बज्राचार्यलाई जनही १ लाख रुपैयाँ धरौटीमा छाड्न आदेश भएको छ । 

एफवान सफ्टको युजर नाम र पासवर्डमा पहुँच पाएका व्यक्तिगत गत असोज १५ देखि १८ सम्म ३ करोड ५१ लाख रुपैयाँ चोरी भएको थियो । कम्पनीले सिटिजन्स बैंकमा खोलेको खाताबाट चार दिनसम्म रकम चोरी भएको थियो ।

जबकी उक्त खातामा जोडिएको इन्टरनेट बैङ्किङ सफ्टवेयर एफवान सफ्टले नै बनाएको थियो । आफैले बनाएको सफ्टवेयर प्रयोग गरेर साढे ३ करोड रुपैयाँ चोरीदा प्रहरीले भने एफवान सफ्टमाथि अनुसन्धान नै नगरी मुद्दा बुझाएको थियो । सो प्रकरणले एफवान सफ्टको प्रणालीको असुरक्षाका कारण बैंकहरुमा रहेको सर्वसाधारणको बैंक खाताको रकम नै असुरक्षित बनेको भन्दै चिन्ता व्यक्त भइरहेको छ । 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
नेप्से परिसूचक ३१ अङ्कले वृद्धि

नेप्से परिसूचक ३१ अङ्कले वृद्धि

आइतबार ३३८ कम्पनीको एक करोड ६६ लाख ११ हजार ४७९ कित्ता शेयर ९५ हजार ४४५ पटक खरिद बिक्री हुँदा रु आठ अर्ब ४० करोड २७ लाख ९७ हजार...
सुनको मूल्य प्रतितोला दुई लाख ७७ हजार ८ सय रुपैयाँ

सुनको मूल्य प्रतितोला दुई लाख ७७ हजार ८ सय रुपैयाँ

नेपाल सुनचाँदी व्यवसायी महासङ्घका अनुसार आइतबार एक तोला छापावाल सुनको मूल्य रु दुई लाख ७७ हजार ८०० कायम भएको छ भने त्यति नै परिमाणको सेतो धातुको मोल  रु...
अमेरिकी डलरको मूल्य उच्च बिन्दुमा

अमेरिकी डलरको मूल्य उच्च बिन्दुमा

केन्द्रीय बैंकका अनुसार थाइ भाट एकको खरिददर चार रुपैयाँ ६२ पैसा र बिक्रीदर चार रुपैयाँ ६४ पैसा, युएई दिराम एकको खरिददर ३९ रुपैयाँ ५० पैसा र बिक्रीदर ३९...
यस्तो छ आजको विदेशी मुद्राको विनिमयदर

यस्तो छ आजको विदेशी मुद्राको विनिमयदर

यस्तै, युरोपियन युरो एकको खरिददर १६७ रुपैयाँ ७४ पैसा र बिक्रीदर १६८ रुपैयाँ ४४ पैसा, युके पाउण्ड स्ट्रलिङ एकको खरिददर १९३ रुपैयाँ ५३ पैसा र बिक्रीदर १९४ रुपैयाँ...