दुर्गेश थापाले 'एसईई' परीक्षा अवधिभर कुनै कार्यक्रम नगर्ने

काठमाडौँ । गायक दुर्गेश थापाले एसईई परीक्षा अवधिभर कुनै पनि कार्यक्रम नगर्ने घोषणा गरेका छन् । थापाले एक विज्ञप्ती जारी गर्दै  एसईई परीक्षा विद्यार्थीको महत्त्वपूर्ण समय भएकोले यस अवधिभर आफूले कुनैपनि नगर्ने घोषणा गरेका हुन् । थापाले भनेका छन्,एसईईको परीक्षाको शुभकामना । यस अवधिभर कुनै पनि कार्यक्रम नगर्ने घोषणा गर्दछु ।

Watch On

थापाले भनेका छन्,'शिक्षा जीवनको सबैभन्दा मूल्यवान् ‘सम्पत्ति’ हो । यतिबेला प्रिय भाइबहिनीहरू आफ्नो मिहिनेत, परिश्रम र सपनाले उज्ज्वल भविष्यको बाटो कोर्दै हुनुहुन्छ । सबैजनालाई सफलताको धेरै शुभकामना । हजुरहरूको सफलता नै, मेरो सफलता हो’, । विज्ञप्तीमा थापाले लेखेका छन्  ‘म जुनसुकै स्थानमा भएपनि, जति नै ठुलो मञ्चमा उभिए पनि, मेरो वास्तविक शक्ति मेरा दर्शक श्रोताको माया र विश्वास हो । मलाई फेरि कमब्याक गराउने, माया गर्ने, मसँगै हिँड्ने मेरा भगवानरूपी फ्यानहरू हुनुहुन्छ । हजुरहरूको हौसला, ऊर्जा, अनि साथले नै मलाई यो उचाइमा पुर्‍याएको हो । त्यसैले, जब हजुरहरूका लागि महत्त्वपूर्ण समय आउँछ, मेरो जिम्मेवारी पनि त्यति नै ठुलो हुन्छ ।'

एसईई परीक्षा जीवनको महत्त्वपूर्ण घडी रहेको भन्दै थापाले भनेका छन् 'केवल मनोरञ्जनमा मात्र होइन, उज्ज्वल भविष्यका लागि पनि म सधैँ हजुरहरूकै साथमा हुनेछु । यतिबेला मलाई धेरै मेला, महोत्सव तथा ईभेन्टबाट कार्यक्रमका लागी कल आइरहेको छु'।