समाज

दिग्गज 'स्टार ट्रेक' अभिनेता प्याट्रिक स्टुअर्टको ८६ वर्षको उमेरमा निधन

सिधाकुरा

शुक्रबार, कात्तिक १३, २०८३

दिग्गज 'स्टार ट्रेक' अभिनेता प्याट्रिक स्टुअर्टको ८६ वर्षको उमेरमा निधन

लस एन्जलस । चर्चित हलिउड चलचित्र शृङ्खला ‘स्टार ट्रेक’ र ‘एक्स-मेन’का महान् तथा दिग्गज अभिनेता प्याट्रिक स्टुअर्टको ८६ वर्षको उमेरमा निधन भएको छ । उनको लस एन्जलसस्थित आफ्नै निवासमा निधन भएको हो ।

Watch On

विगत केही समयदेखि उनी अल्जाइमर्स र ‘लिउई बडी डिमेन्सिया’बाट पीडित थिए । उनको निधनको औपचारिक पुष्टि बिहीबार उनको आधिकारिक इन्स्टाग्राम खातामार्फत गरिएको हो ।

करिब ६ दशक लामो अभिनय यात्रामा स्टुअर्टले रङ्गमञ्चदेखि ठूलो पर्दासम्म आफ्नै बेग्लै छाप छाडेका छन् । उनी खासगरी ‘स्टार ट्रेक: द नेक्स्ट जेनेरेसन’ मा क्याप्टेन जिन-लुक पिकार्ड र ‘एक्स-मेन’ चलचित्रहरूमा प्रोफेसर चार्ल्स जेभियर (प्रोफेसर एक्स) को सशक्त भूमिकाका लागि विश्वभर प्रसिद्ध छन् । कला क्षेत्रमा पुर्‍याएको अतुलनीय योगदानका लागि उनले रोयल शेक्सपियर कम्पनीमा समेत लामो समय कार्य गरेका थिए ।

उनको निधनको खबर सार्वजनिक भएसँगै मनोरञ्जन जगतमा शोकको लहर छाएको छ। हलिउडका विभिन्न चर्चित हस्ती तथा प्रशंसकहरूले सामाजिक सञ्जालमार्फत श्रद्धाञ्जली अर्पण गरिरहेका छन्। 'एक्स-मेन'मा उहाँका सह-कलाकार ह्यु ज्याकम्यानले स्टुअर्टलाई सम्झँदै उहाँलाई "कला जगतका महान् व्यक्तित्वहरूमध्येका एक" भनी भावुक श्रद्धाञ्जली दिएका छन् ।

प्रकाशित मिति: शुक्रबार, कात्तिक १३, २०८३

प्रतिक्रिया दिनुहोस्