समाज

न्यायाधीशहरु विचौलिया इनम सापकोटालाई भेट्न गएको हिमालय होटलको सिसिटिभी फुटेजमा के छ ?

सिधाकुरा

शुक्रबार, कात्तिक १३, २०८३

न्यायाधीशहरु विचौलिया इनम सापकोटालाई भेट्न गएको हिमालय होटलको सिसिटिभी फुटेजमा के छ ?

काठमाडौँ । सर्वोच्च अदालतका न्यायाधीश हरि फुयालले न्यायालयको आचारसंहिता विपरित विचौलिया इनम सापकोटालाई भेटेको खबर बाहिरिएसँगै हिमालय होटलको सिसिटिभी फुटेजको खोजी भएको छ ।

Watch On

फुयालले आफूसँगै अरु न्यायाधीश पनि सापकोटालाई भेट्न गएको खुलाएपछि सरकारले को को गएका थिए भनेर फुटेज खोजी गरेको हो ।

जिल्ला सरकारी वकिल कार्यालयले पनि प्रहरीसँग फुटेज माग गरेको खुलेको छ।

उच्च स्रोतका अनुसार फुटेज माग गरेपछि प्रहरीले अझै उपलब्ध गराएको छैन ।

स्रोतकाअनुसार त्यसदिन फुयालसँगै सात जना न्यायाधीश एवम् कमर्चारीहरू पनि हिमालय होटल पुगेका थिए । त्यसमा वरिष्ठतम् न्यायाधीश सपना प्रधान मल्ल पनि सहभागी रहेको स्रोतको दाबी छ ।

न्यायाधीश नै विचौलिया भेट्न सामूहिक रुपमा होटल गएको तथ्य बाहिरिएपछि सरकारी वकिल कार्यालय प्रमाण संकलनमा जुटेको एक अधिकारीले बताए।

रास्वपा सांसद यज्ञमणि न्यौपानेले न्यायाधीशहरू लाइन लाएर होटलमा विचौलिया भेट्न जानु लज्जास्पद भन्दै फुटेज सार्वजनिक गर्नुपर्ने टिप्पणी गरेका छन् । उनले यसलाई संसदमा छलफल गरी टुंगोमा पुर्‍याउनुपर्ने धारणा पनि राखेका छन् ।

स्रोतकाअनुसार फुटेजमा को-को न्यायाधीश हिमालय होटल गएका थिए र कति समयसम्म विचौलियासँग छलफल गरेका थिए भन्ने कुरा उल्लेख छ ।

प्रकाशित मिति: शुक्रबार, कात्तिक १३, २०८३

प्रतिक्रिया दिनुहोस्