२४ घण्टाभित्र विद्यालयको चाबी बोकेर काठमाडौँ आउन कर्मचारीलाई विद्यालय कर्मचारी परिषदको निर्देशन

काठमाडौं । नेपाल विद्यालय कर्मचारी परिषद्ले २४ घण्टाभित्र विद्यालयको चाबी बोकेर काठमाडौँ आउन निर्देशन दिएको छ । परिषद्ले मंगलबार एक पत्र सार्वजनिक गर्दै परिषदले ७ वटै प्रदेश, ७७ जिल्ला र ७५३ स्थानीय कार्यसमिति तथा सम्पूर्ण विद्यालयका कर्मचारीलाई विद्यालय बन्द गरेर काठमाडौँमा जारी आन्दोलनमा सहभागी हुन निर्देशन दिएका हुन् । 

Watch On

परिषदले काठमाडौँमा आन्दोलन भइरहेको समयमा बिद्यार्थी भर्ना, नतिजा प्रकाशन र कक्षा १२ को परीक्षामा समेत खटिएको खबर सुन्न आएको भन्दै २४ घण्टाभित्र चाबी लिएर काठमाडौँ आउन निर्देशन दिएको हो । 

पत्रमा भनिएको छ, ‘नेपाल शिक्षक महासंघको दोस्रो चरणको आन्दोलन जारी भइरहेको समयमा विद्यालय कर्मचारीहरुलाई विद्यार्थी भर्ना, नतिजा प्रकाशन र कक्षा १२ को परीक्षामा समेत खटिएको खबर सुन्न आएको हुँदा जारी प्रेस विज्ञप्ति मार्फत प्राप्त भएको २४ घण्टामा चाबी लिएर काठमाडौंमा जारी आन्दोलनमा अनिवार्यरूपमा सहभागी हुनका लागि निर्देशनात्मक अनुरोध छ ।’

विद्यालय शिक्षा ऐनको माग गर्दै देशभरका शिक्षकहरू २२ दिनदेखि काठमाडौँमा आन्दोलनरत छन् ।उनीहरु विद्यालय ऐन जारी नभएसम्म कुनैपनि हालतमा विद्यालय नफर्किने अडान कसिरहेका छन् । 

सोही बिचमा सरकारले कक्षा १२ को परीक्षा निजामती कर्मचारी खटाएरै भए पनि गर्ने बताएको छ । तर निजामती कर्मचारीले आफूहरु परिक्षामा सामेल नहुने बताउँदै आएका छन् ।