मुख्य समाचार

घुस डिल गरेका निवर्तमान मन्त्री गुप्तालाई अख्तियारले बोलायो

सिधाकुरा

सोमबार, साउन ५, २०८२

घुस डिल गरेका निवर्तमान मन्त्री गुप्तालाई अख्तियारले बोलायो

काठमाडौँ । घुस डिल गरेका निवर्तमान संघीय मामिला तथा सामान्य प्रशासन मन्त्री राजकुमार गुप्तालाई भ्वाईस टेस्टका लागि अख्तियार दुरुपयोग अनुसन्धान आयोगले बोलाएको छ । कास्की भूमि आयोग र मालपोतका प्रमुख सरुवाका विषयमा गुप्ताले डिल गरेको अडियो सिधाकुराले प्रसारण गरेको थियो ।

उक्त अडियोमा आफ्नो आवाज भएको गुप्ताले सिधाकुरासँग स्विकार गरेका थिए । साथै उनले आफूलाई अख्तियारले फोन गरेको समेत बताएका थिए ।

अख्तियार स्रोतका अनुसार मंगलबार अडियो टेस्टका लागि गुप्तालाई अख्तियारमा हाजिर हुन भनिएको छ । असार १० गतेनै गुप्ताका विरुद्ध अडियो प्रमाणसहित अख्तियारमा उजुरी परेपनि सुनुवाई भएको थिएन । सिधाकुराल उक्त विषय प्रकाशन तथा प्रसारण गरेपछि सर्वत्र मन्त्री गुप्ताको आलोचना भएको थियो ।
बालुवाटारमा उनले आफूलाई पूर्व भूमि सुधार मन्त्री रञ्जिता श्रेष्ठले फसाएको स्पष्टीकरण दिएपछि प्रधानमन्त्री केपी शर्मा ओलीले राजिनामा दिन लगाएका थिए ।

उनले श्रेष्ठसँग आएका व्यक्तिले पैसाको पोको क्वाटरमा छाडेर गएको स्विकार गरेको समाचार सार्वजनिक भएका थिए ।
घुस डील गरेका सामान्य प्रशासनमन्त्री राजकुमार गुप्ताले दिए राजीनामा

प्रकाशित मिति: सोमबार, साउन ५, २०८२

प्रतिक्रिया दिनुहोस्