विद्याको राजनीतिक बाटो बन्दै गर्दै जब ओलीले भने: अब कमरेड विद्या भण्डारी होइन, पूर्वराष्ट्रपति विद्या भण्डारी
काठमाडौँ । नेकपा एमालेले पूर्वराष्ट्रपति विद्या भण्डारीलाई सक्रिय राजनीतिमा फर्किन रोक लगाएको छ । बुधवार १२ घण्टासम्म चलेको केन्द्रीय कमिटी बैठकले भण्डारीको सदस्यता कायम नराख्ने निर्णय गरेसँगै उनको राजनीतिमा फर्किने बाटो तत्कालकालागि बन्द भएको हो ।
बैठकमा प्रधानमन्त्री तथा नेकपा एमालेका अध्यक्ष केपी शर्मा ओलीले पूर्वराष्ट्रपति विद्यादेवी भण्डारीलाई सक्रिय राजनीतिमा नफर्कन आग्रह गर्ने प्रस्ताव गरेका थिए । ओलीले भनेका थिए, ‘पूर्वराष्ट्रपति राजनीतिमा आउन हुँदैन, मिल्दैन ।’
फर्किएकी विद्या, तर्सिएका ओली !
ओलीको प्रस्तावमा अधिकांश केन्द्रीय सदस्य पक्षमा उभिएका थिए । उनको प्रस्तावउपर युवराज ज्ञवाली, सुरेन्द्र पाण्डे तथा कर्ण थापाले फरक मत राखे पनि उनीहरूको सुनुवाइ भएन ।
बैठकमा एमाले अध्यक्ष केपी शर्मा ओलीले पार्टीको धारा ८ र ९ को व्याख्या गर्दै भण्डारीको सदस्यता नवीकरण गर्न नसकिने र उनी राजनीतिमा फर्किन नमिल्ने निष्कर्ष सुनाएका हुन् । अध्यक्ष ओलीले घोषणा गरे, ‘विद्या भण्डारी अब कमरेड विद्या भण्डारी नभएर सम्माननीय पूर्वराष्ट्रपति विद्या भण्डारीकारुपमा रहनुहुने छ’ ।
उनले भण्डारीको पार्टी सदस्यता अरू मार्फत नवीकरण भएको भन्दै नविकरणनै त्रुटिपूर्ण रहेको दाबी मात्रै गरेनन्, भण्डारीको पार्टी सदस्यता नवीकरणका लागि पार्टीले निर्णय गर्नुपर्ने अनिवार्य भएको बताए ।
साथै भण्डारीले स्वेच्छाले पार्टी सदस्यता त्यागेको भन्दै पुन सदस्य बन्न सुरुबाटै प्रक्रियामा जानुपर्ने बताएका थिए । बैठक पछि निर्णय सार्वजनिक गर्दै एमालेका प्रचार विभाग प्रमुख राजेन्द्र गौतमले पूर्वराष्ट्रपति राष्ट्राध्यक्ष, राष्ट्रिय एकताको प्रतीक र मुलुकको अभिभावक हुने भएकाले यस्तो व्यक्तिको राजनीतिक दलको नेता वा कार्यकर्ता बन्ने कुरा स्थापित मूल्यमान्यता, संविधानको मर्म र भावना विपरीत हुने निष्कर्षमा एमाले पुगेको बताए ।
उनका अनुसार पूर्वराष्ट्रपतिको हकमा जनताले उठाउन सक्ने प्रश्न, प्रणाली माथि उठ्न सक्ने प्रश्नलाई रोक्न पार्टीको सक्रिय राजनीतिमा आउन हुँदैन भन्ने निष्कर्षमा एमाले पुगेको छ । उनले भने, ‘राष्ट्रपति जस्तो गरिमामय पदमा पुगेको व्यक्ति कुनै पार्टीको झन्डा बोकेर हिँड्नु हुँदैन, पूर्वराष्ट्रपति प्रति हामी सबैको गौरव छ, हामी अगाडि बढाउने छौँ’ ।
भण्डारीले पार्टीको ११ औँ महाधिवेशनबाट नेतृत्व लिने तयारीसहित गत असार १४ गते राजनीतिमा फर्किएको घोषणा गरेकी थिइन् । तर केन्द्रीय कमिटीको निर्णयले तत्काललाई उनको राजनीति बाटो बन्द भएको छ ।
-1761910680.jpg)
तोडफोड र आगजनीबाट सरकारी संरचनामा करिब सय अर्बको क्षति, २ महिनापछि पुनर्निर्माण सुरु हुने
सिंहदरबारमा मंगलबार बसेको राष्ट्रियसभा अन्तर्गतको संघीयता सबलीकरण तथा राष्ट्रिय सरोकार समितिको बैठकमा मन्त्री खनालले जेनजी आन्दोलनका क्रममा आगजनीबाट क्षतिग्रस्त सिंहदरबारभित्रका महत्वपूर्ण संरचनालाई अहिलेकै बजेटभित्रबाट दुई महिनापछि सुरु गरिने... मंगलबार, कात्तिक २५, २०८२
प्रतिनिधिसभा पुनःस्थापनाको माग गर्दै एमालेद्वारा पालिकाहरुमा प्रदर्शन
सो पार्टीका केन्द्रीय प्रचार तथा प्रकाशन विभाग प्रमुख राजेन्द्र गौतमले संविधान र लोकतन्त्रको रक्षार्थ बिहानदेखि सबै पालिकास्तरमा प्रदर्शन तथा र्यालीको आयोजना गरिएको बताए । मंगलबार, कात्तिक २५, २०८२
कांग्रेस केन्द्रीय कार्यसमिति बैठक सानेपामा बस्दै
पार्टीका नेता एवम् पूर्वमन्त्री मोहम्मद अफताव आलमको निधनपछि तीन दिन रोकिएको बैठक आज बस्न लागेको हो । पार्टीको गत शनिबार बसेको आकस्मिक बैठकले नेता आलमको निधनमा शोक प्रस्ताव... मंगलबार, कात्तिक २५, २०८२
कारागारबाट छुटेकै दिन श्रीमानले गरे श्रीमतीको हत्या
कुटपिटबाट बेहोस अवस्थामा रहेकी सीतालाई प्रहरीले उद्धार गरी गए राति नै प्रदेश अस्पतालमा पुर्याउँदा चिकित्सकले मृत घोषणा गरेका थिए । सीताको टाउको र अनुहारमा चोट लागेको थियो । मंगलबार, कात्तिक २५, २०८२भर्खरै
- तोडफोड र आगजनीबाट सरकारी संरचनामा करिब सय अर्बको क्षति, २ महिनापछि पुनर्निर्माण सुरु हुने
- प्रतिनिधिसभा पुनःस्थापनाको माग गर्दै एमालेद्वारा पालिकाहरुमा प्रदर्शन
- च्याङ्ग्रापालनबाट वार्षिक पाँच लाख आम्दानी गर्दै आएका पूर्णबहादुर
- कांग्रेस केन्द्रीय कार्यसमिति बैठक सानेपामा बस्दै
- कारागारबाट छुटेकै दिन श्रीमानले गरे श्रीमतीको हत्या
- कोरला हुँदै मानसरोवर जाने मार्ग खुलाउन पहल
- दिल्लीमा मेट्रो स्टेसन नजिकै विस्फोट, ८ जनाको मृत्यु
- मधेशमा ओलीले झोसेको आगो !
