समाज

उत्तेजना फैलाउने भन्दा पनि धैर्यपूर्वक देशलाई निकास दिने शक्तिको रूपमा कांग्रेसले भूमिका खेल्नुपर्छः गगन थापा

सिधाकुरा

शुक्रबार, माघ २३, २०८२

उत्तेजना फैलाउने भन्दा पनि धैर्यपूर्वक देशलाई निकास दिने शक्तिको रूपमा कांग्रेसले भूमिका खेल्नुपर्छः गगन थापा

कास्की । नेपाली कांग्रेसका सभापति गगनकुमार थापाले उत्तेजना फैलाउने भन्दा पनि धैर्यपूर्वक देशलाई निकास दिने शक्तिको रूपमा कांग्रेसले भूमिका खेल्नुपर्ने बताएका छन् ।

Watch On

शुक्रबार कांग्रेस कास्कीको सभालाई सम्बोधन गर्दै सभापति थापाले उत्तेजना फैलाउने भन्दा पनि धैर्यपूर्वक देशलाई निकास दिने शक्तिको रूपमा कांग्रेसले भूमिका खेल्नुपर्ने बताएका हुन् । अहिले समाजमा नागरिकहरूबीच गहिरो रिस र राज्यका संयन्त्रहरूप्रति चरम अविश्वास रहेको भन्दै थापाले यस्तो संवेदनशील अवस्थामा जिम्मेवार राजनीतिक शक्तिको खाँचो रहेको उल्लेख गरे ।

उहाले सबैभन्दा ठुलो शत्रु भ्रष्टाचार भएकाले भ्रष्टाचार विरुद्धको सबैभन्दा ठुलो योद्धा बदलिएर आएको कांग्रेस नै भएको दावी गरे । सभापति थापाले निर्वाचनको प्रचार प्रसार गर्ने तरिका बदल्नुपर्ने र मतदाताको गाली र प्रश्नलाई सुन्नुपर्नेमा जोड दिए ।

सभापति थापाले अब कांग्रेसले नै मुलुकको एकल नेतृत्व सम्हालेमात्र देश बन्ने दाबीसहित अबको सरकार कांग्रेसको मात्र नभनी अब सय पार गर्ने गरी मत माग्नुपर्ने बताए । देशभरका नेता तथा कार्यकताले बढि मेहनत गरे पार्टीको बहुमत आउन सक्ने उनको भनाइ छ ।

प्रकाशित मिति: शुक्रबार, माघ २३, २०८२

प्रतिक्रिया दिनुहोस्