देउवाको घरमा जलेको पैसाबारे ओलीः पहिले एआई भन्थे, अहिले ‘नक्कली’

झापा । नेकपा एमालेका अध्यक्ष केपी शर्मा ओलीले देउवाको घरमा जलेको पैसाबारे पुनः बचाउ गर्दै अभिव्यक्ति दिएका छन् । झापामा चार दिन घर दैलो गर्ने क्रममा ओलीले दिएको उक्त अभिव्यक्ति यतिबेला सामाजिक सञ्जालमा फैलिरहेको छ। 

एक जना मतदाताले ओलीको चुनावी घर दैलोका क्रममा जेनजी आन्दोलनमा देउवासहितका नेताका घरमा पैसा जलेकोबारे ओलीसँग जिज्ञासा राखेकी थिइन ।

Watch On

सो पछि भएको सवाल जवाफमा ओलीले जिकिर नै गरेर देउवाको घरमा जलेको भनिएको पैसा नक्कली भएको दाबी गरे । ‘नेताको घरमा पैसा डढेको कुरा छ,’ ओलीलाई एक मतदाताले  सोध्छिन् ?ओलीले पश्न गर्दै सोध्छन् ‘कसकोमा जल्यो त ?’

ति महिलालले जवाफ दिइन् ‘देउवाकोमा डढेको छ, अरु नेताको घरमा डढेको छ। ’ त्यसपछि ओलीले आफ्नो घर जलाइएको कुरालाई मजाक नगर्न भन्दै झोक्किए । ‘मेरो घर जलेको छ तपाईँहरू मजाक गर्नु हुन्छ ?’ ओलीले सोधे ।

उनले पुनः ति महिलालाई सोधे ‘मेरो घरमा पैसा जलेको छ ? मैले पैसा जम्मा गरेको छ ?’ पैसा जलेको कुरामा अडिग भएर ओलीसँग जवाफ मागिरहेकी उनले पुनःः ओलीलाई भनिन् ‘भित्र जल्यो होला ।

कसले देख्यौ र ? मैले त देउवाको घरमा जलेको पैसाको कुरा नक्कली हो भनेर प्रमाणित गर्न खोजेको त होनी त भनेर सोधेको,’ उनले ओलीलाई प्रतिप्रश्न गरिन् । 

त्यसपछि ओलीका एक सहयोगीले जसको जलेको हो उसैलाई सोध्न भन्दै प्रश्नकर्ता महिलालाई थर्काए । त्यसपछि ओली पुनः प्रश्नकर्ता महिलातर्फ फर्किदै भन्छन् ‘जो जलेको देखियो नि त्यो पनि नक्कली हो ?’ 

प्रश्नकर्ता महिला फेरि सोध्छिन, ‘देउवाकोमा जलेको देखिएको पनि नक्कली हो ?’ ओली पुनःः भन्छन् ‘देउवाको घरमा जलेको देखाइएको पनि नक्कली हो । तपाईँहरू हल्लाको पछि लाग्ने हो ?’ अलिअलि पैसा थियो पनि होला ! ’

ओलीसँगै रहेका उनका सहयोगीले थप्दै भन्छन् ‘देउवाको घरमा देखाईको एआई हो । जनतालाई भ्रममा पारियो ।’ यस अघि ओलीले झापाकै कमल गाउँपालिकामा घर दैलो गर्दै गर्दा देउवाको बचाउ गर्दै जलेको पैसा एआई हो भनेका थिए । 

माघ २४ गतेको घरदैलोमा स्थानीय मोहनबाबु शेर्माको प्रश्नको जवाफ दिँदै ओलीले उक्त पैसा बारेको भिडियो एआईबाट सृजित र विदेशको फोटो ल्याएको जोडेको बताए । 

भदौ २४ गते जेनजी आन्दोलनको क्रममा देउवाको बुढानिलकण्ठस्थित घरमा भएको आगजनिमा करोडौँ रुपैयाँ जलेको अवस्थामा फेला परेको थियो ।
देउवाको घरमा आक्रमण भएको २० घण्टापछि २५ भदौको दिउँसो सिधाकुरा देउवाको घरमा पुगेको थियो ।

त्यसपछि सिधाकुराले गरेको स्थलगत रिर्पोटिङ देउवाको घरमा जलेको अवस्थामा रकम भेटिएको कुरा खुलासा भएको थियो । सो कुरा सिधाकुराको एक्सक्लुसिभ रिर्पोटिङ थियो ।