मन्त्रिपरिषद्लाई अन्तिम रुप दिन रवि र बालेन छलफलमा

काठमाडौँ । राष्ट्रिय स्वतन्त्र पार्टी (रास्वपा) ले भोली गठन हुने मन्त्रिपरिषद्लाई पूर्णरूप दिन अन्तिम गृहकार्य सुरु गरेको छ। पार्टी सभापति रवि लामिछाने र पार्टीको तर्फबाट प्रधानमन्त्रीको शपथ लिन लागेका संसदीय दलका नेता एवम् वरिष्ठ नेता बालेन्द्र शाह ९बालेन० बीच छलफल सुरु भएको हो । 

काठमाडौँको बुढानिलकण्ठस्थित सभापति रवि लामिछानेको निवासमा दुई नेताहरू मन्त्रीको टुङ्गो लगाउन छलफलमा जुटेका हुन् । आज दिउँसो मात्रै संसद्को शपथ सकेर दुवै नेता पार्टी मुख्यालय बनस्थली पुगेका थिए ।

Watch On

पार्टी कार्यालयमा आयोजित केन्द्रिय समिति बैठक र संसदीय दलको बैठकले संसदीय दलको नेता चुनेपछि बालेनको प्रधानमन्त्री बन्ने ढोका रास्वपाबाट औपचारिक रुपमा खुलेको थियो ।  त्यस लगत्तै नेताहरू मन्त्री छान्न छलफलमा जुटेका हुन् । 

‘लगभग एक चरणको तयारी सकिएको छ । अन्तिम रूप दिन लागिएको मात्रै हो,’ एक शीर्षस्थ नेताले सिधाकुरासँग भने,‘ शुक्रबार प्रधानमन्त्रीसहित सबै मन्त्रीहरूको शपथ हुनेगरि आजै सबैकुरा टुङ्गोमा पुग्छ ।’ 

रास्वपाले बढीमा १८ सदस्यीय मन्त्रिपरिषद् गठन गर्ने भनेको छ । प्रधानमन्त्रीमा बालेन बाहेक अर्थमन्त्रीका रुपमा पार्टी उपसभापति डा।स्वर्णिम वाग्लेले शपथ लिने निश्चित भएको छ । अन्य मन्त्रीहरू को को हुने भन्ने यकिन भएको छैन् ।