समाज

बालेनलाई प्रधानमन्त्री हुने गाँठो फुकाएपछि रविले के भने ?

सिधाकुरा

बिहीबार, चैत १२, २०८२

बालेनलाई प्रधानमन्त्री हुने गाँठो फुकाएपछि रविले के भने ?

काठमाडौँ। राष्ट्रिय स्वतन्त्र पार्टी (रास्वपा) ले संसदीय दलको नेतामा पार्टीका वरिष्ठ नेता बालेन्द्र शाह (बालेन) लाई चयन गरेको छ ।

बिहीबार पार्टी कार्यालय बनस्थली चमतीमा आयोजित केन्द्रिय समिति र संसदीय दलको बैठकले बालेनलाई संसदीय दलको नेता चयन गरेको हो ।

Watch On

यससँगै बालेनलाई प्रधानमन्त्री बन्ने गाँठो फुकेको छ । निर्वाचन अघि नै बालेनलाई प्रधानमन्त्रीको उम्मेदवार बनाएर निर्वाचनमा होमीएको रास्वपाले आज संसदीय दलको बैठकबाट शाहलाई संसदीय दलको नेता चुनेको हो । बहुमत प्राप्त दलको नेता संविधान २०७२ को धारा ७६ को उपधारा १ अनुसार प्रधानमन्त्री चयन हुन्छ ।

गत पुस १३ गते राती रास्वपा र बालेनबीच भएको सहमतिअनुसार निर्वाचन पछि बालेन संसदीय दलको नेता चुनिएर प्रधानमन्त्री बन्ने उल्लेख थियो । निर्वाचनमा १८२ सिटसहित दुई तिहाईको सरकार बनाउने म्याण्डेट पाएपछि रास्वपाले पूर्वसम्झौता बमोजिम बोलनलाई नेता चुनेको हो ।

संसदीय दलमा बालेनलाई निर्वाचित गरेपछि रविले बालेनलाई सफल कार्यकालको लागि बालेनलाई बधाई दिए । संसदीय दल र केन्द्रिय समितिको संयुुक्त बैठकलाई सम्बोधन गर्दै सभापति रविले भने, ‘उहाँलाई धेरै धेरै बधाई एवम् सफल कार्यकालको शुभकामना ।’

प्रकाशित मिति: बिहीबार, चैत १२, २०८२

प्रतिक्रिया दिनुहोस्