संघीय मामिला तथा सामान्य प्रशासन मन्त्रालयसँग कुनै गुनासो भए यी नम्बरमा फोन गर्न सकिने

काठमाडौँ । संघीय मामिला तथा सामान्य प्रशासन मन्त्रालयले मन्त्रालयबाट प्रवाह हुने सेवाबारे गुनासो राख्न सक्ने व्यवस्था गरेको छ । मन्त्रालयले स्थापना गरेको ‘गुनासो व्यवस्थापन केन्द्रमा’ मन्त्रालयको कार्यक्षेत्रभित्र पर्ने विषयमा गुनासो राख्न सकिने छ । 

उक्त केन्द्रको व्यवस्थापनको लागि उपसचिवको नेतृत्वमा अन्य कर्मचारी समेत समेत रहनेछन् । उनीहरुले आएका गुनासाहरुको संकलन र वर्गिकरण गरी सम्बिन्धित पदाधिकारीबाट सम्बोधन गर्ने व्यवस्था मिलाईएको मन्त्रालयले जनाएको छ । 

Watch On

उक्त गुनासो व्यवस्थापन केन्द्रको नेतृत्व उपसचिव विवेक घिमिरेले गर्नेछन् । त्यस्तै शाखा अधिकृत लोकबहादुर लामा र नापव सुब्बा नवराज पराजुली पनि केन्द्रमा रहनेछन् । मन्त्रालयले उनीहरुलाई सम्पर्क गर्नका लागि नम्बर पनि सार्वजनिक गरेको छ । मन्त्रालयसँग सम्बन्धित विषयमा कुनै गुनासो भएको ९८५११०२०८६, ९८५१२७७२११ र ९८५१२७७२१० नम्बरमा सम्पर्क गर्न सकिने छ । ९८५१२७७२११ र ९८५१२७७२१० नम्बरमा ह्वाट्एप र भाइबर पनि उपलब्ध रहेका छन् । 

संघीय मामिला तथा सामान्य प्रशासन मन्त्रालयको नेतृत्वमा प्रतिभा रावल छिन् । उनले कार्यभार सम्हालेपछि देशभर प्रमुख प्रशासकीय प्रमुख विहन रहेका ८० बढी स्थानीय तहमा कर्मचारी खटाएकी छिन् । पदभार सम्हालेलगत्तै स्थानीय तहमा कर्मचारीको पदपुर्तिका लागि तदारुकता देखाएकी हुन् ।