समाज

प्रतिनिधिसभाका उपसभामुखको निर्वाचन चैत २७ गते

सिधाकुरा

बुधबार, चैत २५, २०८२

प्रतिनिधिसभाका उपसभामुखको निर्वाचन चैत २७ गते

काठमाडौँ । प्रतिनिधिसभाको उपसभामुखको निर्वाचन चैत २७ गते शुक्रबार हुने भएको छ ।

बुधबारको प्रतिनिधिसभा बैठकमा सभामुख डिपी अर्यालले २७ गतेका लागि मिति तय भएको जानकारी दिएका हुन् ।

Watch On

बुधबार बसेको प्रतिनिधिसभा बैठकमा सभामुख डोलप्रसाद अर्यालले प्रतिनिधिसभा नियमावली, २०७९ को नियम ८ बमोजिम उपसभामुख पदका निर्वाचनका लागि मिति तोकेका हुन् । साथै उनले उपसभामुख निर्वाचनको कार्यक्रमसम्बन्धी सूचना प्रकाशन गर्न प्रतिनिधिसभाका सचिव हर्कराज राईलाई निर्देशन दिए ।

चैत २२ गते सभामुखमा डीपी अर्याल निर्विरोध निर्वाचित भइसकेका छन् । सभामुखले उपसभामुखको निर्वाचनको मिति तोक्ने व्यवस्था रहेको छ । सोही अनुसार सभामुख अर्यालले मिति तोकी सदनलाई जानकारी गराएका हुन् ।

त्यस्तै सभामुख र उपसभामुखमा फरक दल र फरक लिंगको व्यक्ति हुनुपर्ने प्रावधान छ ।

सभामुख रास्वपाबाट भइसकेकाले उपसभामुख अन्य दलबाट बन्नेछन् । एकल उम्मेदवारी परेको अवस्थामा भने सभामुख र उपसभामुख एएटै दलको बन्न सक्छन् ।

उपसभामुख चयनका लागि बिहीबार मनोनयन दर्ता हुने संसद सचिवालयले जनाएको छ । प्रतिनिधिसभाको अर्को बैठक चैत्र २७ गते शुक्रबार अपरान्ह ४ बजे बोलाइएको छ ।

प्रकाशित मिति: बुधबार, चैत २५, २०८२

प्रतिक्रिया दिनुहोस्