स्वीस राजदूतलाई सुधनले भनेः नेपालीले 'स्वीस ब्याङ्क'मा राखेको पैसा खोज्न सहयोग गर्नुहोस्

सिधाकुरा

बुधबार, चैत २५, २०८२

स्वीस राजदूतलाई सुधनले भनेः नेपालीले 'स्वीस ब्याङ्क'मा राखेको पैसा खोज्न सहयोग गर्नुहोस्

काठमाडौँ । गृहमन्त्री सुधन गुरुङले नेपालका उच्च पदस्थ व्यक्तिहरूले “भ्रष्टाचार गरेर” स्वीस ब्याङ्कमा रकम जम्मा गरे या नगरेको विषयमा अनुसन्धानका लागि सहकार्य गर्न नेपालस्थित स्विस राजदूतलाई अनुरोध गरेका छन्।

गृह मन्त्रालयमा बुधवार भएको भेटमा गृहमन्त्री गुरुङले अवैध रूपमा रकम जम्मा गरेको देखिए त्यो फिर्ता ल्याउने व्यवस्थाका लागि पहल गरिदिन नेपालका लागि स्विट्जरल्यान्डकी राजदूत डेनियल म्युवलीलाई अनुरोध गरेका गृहमन्त्रीको सचिवालयले जनाएको छ।

Watch On

विकास सहकार्य, शुसासन र विपद् व्यवस्थापनका बारेमा उक्त भेटवार्तामा छलफल भएको स्विस राजदूतावासले जनाएको छ।

राजदूत मैवलीले गृहमन्त्री गुरुङलाई बधाई तथा सफल कार्यकालका लागि शुभकामना व्यक्त गरिन् ।

भेटघाटको राजदूतले दुई देशको सरकारबीच आप्रवासन मामिलाहरूमा सहकार्य गर्ने विषय उठाएकी थिइन् । मन्त्री गुरुङले उक्त विषय हाल छलफलमा रहेको जानकारी गराएका थिए ।

राजदूतले विपद् व्यवस्थापनको नेपालमा जलवायु परिवर्तन एवम् विपद जोखिम न्यूनीकरणका लागि पूर्व चेतावनी प्रणालीलाई थप सुदृढ बनाउन स्वीस सरकारले आवश्यक सहकार्य गर्ने प्रतिबद्धता व्यक्त गरिन् ।

प्रकाशित मिति: बुधबार, चैत २५, २०८२

प्रतिक्रिया दिनुहोस्