जनप्रतिनिधिका कुरा

विपक्षीको सहमतिमै बालेनले सिफारिस गरेका प्रमुख निर्वाचन आयुक्त र दुई आयुक्तविरुद्ध उजुरी आह्वान

सिधाकुरा

बिहीबार, असार २५, २०८३

विपक्षीको सहमतिमै बालेनले सिफारिस गरेका प्रमुख निर्वाचन आयुक्त र दुई आयुक्तविरुद्ध उजुरी आह्वान

काठमाडौँ । संसदीय सुनुवाइ समितिले प्रस्तावित प्रमुख निर्वाचन आयुक्त मानबहादुर कार्की र आयुक्तद्वय डा. राजीव सुब्बा र गुरुप्रसाद वाग्लेविरुद्ध उजुरी आह्वान गरेको छ ।

समितिको बिहीबार बसेको बैठकले प्रस्तावित तीनै जना विरुद्ध उजुरी आह्वान गरिएको सभापति बोधनारायण श्रेष्ठले बताए । उजुरी आह्वानका लागि शुक्रबार गोरखापत्रमा सूचनासमेत छापिनेछ ।

Watch On

सर्वसाधारणले प्रस्तावित तीनैजना विरुद्ध १० दिनसम्म सूचना दिन पाउनेछन् । त्यसपछि उजुरीकर्तासँग छलफल गरेर प्रस्तावित व्यक्तिको सुनुवाइ हुनेछ ।

संवैधानिक परिषद्ले १९ असारमा निर्वाचन आयोगको प्रमुख आयुक्तमा कार्की र आयुक्तमा सुब्बा र वाग्लेलाई नियुक्तिका लागि सिफारिस गरेको थियो ।

परिषद्मा प्रधानमन्त्री बालेन्द्र शाहले प्रस्तुत गरेको नियुक्ति सिफारिस प्रस्ताव सर्वसम्मतले अनुमोदन भएको थियो । विपक्षी दलका नेता भिष्मराज आङ्देम्बेले पनि बालेनको प्रस्तावलाई सहमति जनाउँदै हस्ताक्षर गरेका थिए ।

परिषद्का अन्य सदस्यहरु सभामुख, प्रधानन्यायाधीश, राष्ट्रिय सभा अध्यक्ष र उपसभामुखले पनि समर्थन जनाउँदै नियुक्ति निर्णयमा हस्ताक्षर गरेका थिए ।

प्रकाशित मिति: बिहीबार, असार २५, २०८३

प्रतिक्रिया दिनुहोस्