समाज

दाइ मेरो गल्ती छैन, बाआमालाई सम्हाल्नु भन्दाभन्दै भाइको बोली बन्द भयोः मदन

सिधाकुरा

शुक्रबार, असार २६, २०८३

दाइ मेरो गल्ती छैन, बाआमालाई सम्हाल्नु भन्दाभन्दै भाइको बोली बन्द भयोः मदन

काठमाडौँ । त्रिपुरेश्वरस्थित राहदानी विभाग अगाडि आत्मदाहको प्रयास गरेको गणेश नेपालीका दाजु मदन नेपाली भाइको अवस्था देखेर अस्पतालमै भक्कानिए ।

घाइते नेपालीको अहिले वीर अस्पतालमा उपचार भइरहेको छ । जलन भएको भागको शल्यक्रिया गरिए पनि विरामीको अवस्थामा सुधार नआएपछि चिकित्सकहरु पनि चिन्तित देखिएका छन् ।

Watch On

उनको अवस्था यसै भन्न नसकिने उपचारमा संलग्न चिकित्सकहरुको भनाइ छ ।

शुक्रबार बिहान यहि विषयमा जानकारी दिन अस्पतालले गणेश दाजु मदनलाई साथै राखेर पत्रकार सम्मेलन गरेको थियो ।

मदन पत्रकार सम्मेलनमै भक्कानिएका हुन् ।

'दाइ मेरो गल्ती थिएन है, बाबाममीलाई राम्रोसँग सम्हाल्नु भन्यो त्यसपछि उसको बोली बन्द भइहाल्यो', मदनले भक्कानिँदै पत्रकार सम्मेलनमा भने ।

मदनका अनुसार हिजो दिउँसो ३ बजे प्रहरीले फोन गरेर भाइले आत्मदाहको प्रयास गरेको बारे जानकारी दिएका थिए ।

लगत्तै उनी अस्पताल पुग्दा भाइको अवस्था गम्भीर रहेको पाए । घाइते अवस्थामै उनको भाइसँग छोटो कुराकानी भएको, त्यसक्रममा भाइले महानगर प्रहरीले मोटरसाइकलमा ह्विल लक लगाइदिएका कारण घटना भएको र आफ्नो केही दोष नभएको बताएका थिए ।

प्रकाशित मिति: शुक्रबार, असार २६, २०८३

प्रतिक्रिया दिनुहोस्