फोनमा चर्को स्वरमा बोलेको रिसमा साथीको घाँटी रेटेर हत्या

बागलुङ ।बागलुङमा सामान्य विवादलाई लिएर संगै काम गर्ने मजदुर साथीको हत्या भएको रहस्य खुलेको छ । 
जिल्ला प्रहरी कार्यालय बागलुङले  साउन २६ गते राती जिल्लाको काठेखोला गाउँपालिका–३ धम्जामा भएको हत्यामा नयाँ रहस्य खुलाएको हो ।
 प्रहरीका अनुसार चक्कु प्रहारबाट एक मजदुर युवाको हत्या आफ्नै संगै काम गर्दे दुई साथीले गरेको पाइएको हो । 

धम्जा माझकटेरामा श्रमीकका रूपमा आई बसोवास गर्दै आएकार ढोरपाटन नगरपालिका ७ का ३६ वर्षीय अशोक खत्रीलाई मदिरा सेवन गरी फोनमा चर्को स्वरमा बोलेको झोकमा दुई मजदुर साथीले तरकारी काट्ने चक्कुले घाटी रेटेर हत्या गरिएको पाइएको हो । 

Watch On

चक्कु प्रहार गर्ने ढोरपाटन नगरपालिका–६ का २५ वर्षका अर्जुन घर्ती मगर र ढोरपाटन नगरपालिका–५ बस्ने वर्ष ३६ का रिख दमाईलाई अनुसन्धानका लागि २६ गते नै पक्राउ गरिएकोमा उनिहरुले मदिरा सेवन गरी आपसी विवादमा चक्कु प्रहार गरी साथीको हत्या गरेको अनुसन्धानबाट खुल्न आएको जिल्ला प्रहरी कार्यालय बागलुङका प्रमुख प्रहरी उपरिक्षक फडिन्द्र प्रसाईले जानकारी दिए । 

“अघिल्लो रात फोनमा चर्को कुरा गरेको विषयमा तीन जना साथीहरुबी झै–झगडा भएको र अर्को दिन मदिरा सेवनपछि अधिल्लोदिनको झगडाको विषयमा विवादपछि खत्रीलाई अर्जुन घर्तीमगरले धारिलो चक्कुले घाँटी रेटेर हत्या गरेको पाइयो” प्रहरी उपरिक्षक प्रसाईले भने“गाउँमा ओखरको बोट रोप्न आवश्यक खाल्टो खन्नका लागि उनिहरु धम्जा आएको र सामान्य विवादमा साथीको हत्या भएको पाइयो, मृतकको श्रीमती दिलमाया भण्डारीले कर्तव्यजान कसूरमा सोही व्यक्तिहरुलाई किटानी जाहेरी  दिएको र जिल्ला अदालतबाट म्याद थप गरी अनुसन्धान भइरहेको छ ।” 

चक्कु प्रहारपछि खत्रीको घटनास्थलमै मृत्यु भएको थियो ।