समाज

बूढीगण्डकी बाढी प्रभावित क्षेत्रमा उद्धारका लागि सेना परिचालन, ६ जनाको हवाई उद्धार

सिधाकुरा

आइतबार, असोज २५, २०८३

बूढीगण्डकी बाढी प्रभावित क्षेत्रमा उद्धारका लागि सेना परिचालन, ६ जनाको हवाई उद्धार

काठमाडौं। प्रधानमन्त्री बालेन शाहले बूढीगण्डकी नदीमा आएको बाढी प्रभावित क्षेत्रमा उद्धार, राहत र सुरक्षित स्थानान्तरणका लागि हेलिकप्टर परिचालन गरिएको बताएका छन्।

Watch On

प्रधानमन्त्री शाहले सामाजिक सञ्जाल फेसबुकमार्फत बाढीपछि खोज तथा उद्धारका लागि नेपाली सेनाको फौज हवाई र स्थलमार्गबाट परिचालन गरिएको जानकारी दिएका हुन्।

उनका अनुसार पहिरोको जोखिममा रहेको गोरखाको जगत क्षेत्रबाट ६ जनाको हवाई उद्धार गरिएको छ। काठमाडौंमा रहेको नेपाली सेनाको कम्पोजिट क्विक रेस्पोन्स टिमलाई समेत हवाई साधनबाट प्रभावित क्षेत्रमा तैनाथ गरिएको उनले बताएका छन्।

बाढी प्रभावित क्षेत्रमा उद्धार, राहत वितरण र जोखिममा रहेका नागरिकलाई सुरक्षित स्थानमा सार्न हेलिकप्टर परिचालन गरिएको प्रधानमन्त्री शाहले उल्लेख गरेका छन्।

बाढी प्रभावित क्षेत्रका नागरिकलाई आपत्कालीन सहयोग आवश्यक परे एम्बुलेन्सका लागि १०२, जिल्ला आपत्कालीन कार्यसञ्चालन केन्द्र (डीईओसी) का लागि १२३४, जिल्ला प्रहरी कार्यालय गोरखाका लागि ९८५६०६११९० र सहायक प्रमुख जिल्ला अधिकारीका लागि ९८५६०५७७७८ मा सम्पर्क गर्न सकिनेछ।

प्रकाशित मिति: आइतबार, असोज २५, २०८३

प्रतिक्रिया दिनुहोस्