कांग्रेस महाधिवेशन– महामन्त्रीमा उदयशमशेरले जिते अमरसिंह पुनलाई

काठमाडौं । नेपाली कांग्रेसको १५ औं महाधिवेशनमा उपसभापति र महामन्त्री पदको मतगणना जारी छ। पछिल्लो मतपरिणामअनुसार उपसभापतिको खुलातर्फ डा. चन्द्रकान्त भण्डारी र महामन्त्रीको खुलातर्फ प्रदीप पौडेलले अग्रता लिएका छन्। 

Watch On

कुल ७ हजार ४३ मत खसेकामा हालसम्म २ हजार २३१ मत गणना भएको छ।

उपसभापतिको खुलातर्फ दुई पदका लागि भइरहेको प्रतिस्पर्धामा भण्डारीले १ हजार ५७ मत पाएका छन्। मधु आचार्यले ७१२, सुरेन्द्रराज पाण्डेले ६८०, गोविन्द भट्टराईले ६०९, धनराज गुरुङले ४०६, दीपक गिरीले ३०१ र चन्द्रमोहन यादवले १९३ मत पाएका छन्।

उपसभापतिको समावेशी एक पदमा विनोदकुमार चौधरी ६१५ मतसहित अगाडि छन्। जीवन परियारले ५७८, सीता गुरुङले ३३४, फरमुल्लाह मन्सुरले २८५ र रञ्जित कर्णले १८३ मत पाएका छन्।

महामन्त्रीको खुलातर्फ दुई पदका लागि भइरहेको प्रतिस्पर्धामा प्रदीप पौडेलले १ हजार ३८१ मतसहित अग्रता लिएका छन्। यस्तै उदयशमशेर राणाले ७८६ मतका साथ अमरसिंह पुनलाई उछिनेका छन्। पुनले ६९५, डा. सुनिलकुमार शर्माले ५२६, गुरुराज घिमिरेले ३२८, नैनसिंह महरले २७०, शंकर तिवारीले ४६ र डा. सन्तोष उपाध्यायले २८ मत पाएका छन्।

महामन्त्रीको महिला एक पदमा डा. डिला संग्रौला (पन्त) ले ९६५ मत पाएकी छन्। उनलाई महालक्ष्मी उपाध्याय (डिना) ले ९५२ मतसहित पछ्याइरहेकी छन्। रीता खनालले २५१ मत पाएकी छन्।

मतगणना जारी रहेकाले अन्तिम परिणाम आउन बाँकी छ।