समाज

बाढीपहिरोले तीन स्थानमा सडक अवरुद्ध, बेनी–जोमसोम सडक एकतर्फी सञ्चालन

सिधाकुरा

आइतबार, कात्तिक १, २०८३

बाढीपहिरोले तीन स्थानमा सडक अवरुद्ध, बेनी–जोमसोम सडक एकतर्फी सञ्चालन

फाइल तस्बिर।

काठमाडौं। बाढीपहिरोका कारण गण्डकी र कर्णाली प्रदेशका तीन स्थानमा सडक अवरुद्ध भएका छन्। म्याग्दीको बेनी–जोमसोम सडकखण्डमा एकतर्फी यातायात सञ्चालनमा रहे पनि गोरखा र सुर्खेतका दुई स्थानमा सडक पूर्ण रूपमा अवरुद्ध छन्।

Watch On

विपद्का कारण अवरुद्ध मुख्य राजमार्गको शनिबार बिहान ६ः३० बजेसम्मको विवरणअनुसार म्याग्दीको रघुगंगा गाउँपालिका–२ बैसरीमा पहिरोका कारण बेनी–जोमसोम सडकखण्ड प्रभावित भएको छ। असोज १० गते बिहान ५ः५० बजेदेखि अवरुद्ध भएको उक्त सडकमा हाल एकतर्फी यातायात सञ्चालन भइरहेको छ।

त्यस्तै, गोरखाको आरुघाट गाउँपालिकाका वडा नम्बर २ र ३ तथा वडा नम्बर ९ को नयाँपुल क्षेत्रमा बाढीका कारण सडक अवरुद्ध भएको छ। असोज २५ गते बिहान ५ः३० बजेदेखि सोतिमा रहेको फलामे पुल तथा गोरखाको आरुघाटबाट धादिङ जोड्ने सडक पूर्ण रूपमा अवरुद्ध रहेको विवरणमा उल्लेख छ।

कर्णाली प्रदेशको सुर्खेतमा पनि पहिरोका कारण कर्णाली राजमार्ग अवरुद्ध भएको छ। बराहताल गाउँपालिका–७ औलिसेमा कात्तिक १ गते बिहान ५ः४५ बजेदेखि सडक पूर्ण रूपमा अवरुद्ध भएको हो।

सडक अवरुद्ध हुँदा सम्बन्धित क्षेत्रका यात्रु तथा सवारीसाधनको आवागमन प्रभावित भएको छ।

प्रकाशित मिति: आइतबार, कात्तिक १, २०८३

प्रतिक्रिया दिनुहोस्