समाज

बँदेल मार्न थापिएको पासोमा परेर महिलाको मृत्यु, दुई जना पक्राउ

सिधाकुरा

शुक्रबार, चैत २२, २०८१

बँदेल मार्न थापिएको पासोमा परेर महिलाको मृत्यु, दुई जना पक्राउ

रौतहट । रौतहटमा जंगली बँदेल मार्न थापेको विद्युतिय पासोमा परेर एक महिलाको ज्यान गएको छ ।

वृन्दावन नगरपालिका–१ बलेरी खोरमा किसानको खेतमा आउने जंगली जनावर बँदेल मार्न थापेको विद्युतीय धरापमा परेर स्थानीय ४५ वर्षीया फुलमतिया देवीको मृत्यु भएको हो ।

स्थानीय सुशील विश्वकर्माको मकै खेतमा जंगली बँदेल मार्नका लागी नाँगो तार तानेर करेन्ट प्रवाह गरी छोडेको अवस्थामा सोही खेतको बाटो हुँदै आउने क्रममा फुलमतिया देवीको करेन्ट लागेर मृत्यु भएको थियो । महिला मृत अवस्थामा भेटेपछि सुशिल विश्वकर्मा र जितेन्द्र पटेलले महिलाको शवलाई घटनास्थलबाट ४ किलोमिटर उत्तर तर्फको रामलाल साझेदारी वनमा खाल्डो खनेर गाडेको प्रहरी अनुसन्धानबाट खुलेको छ ।

फुलमतिया देवी आफ्नो गोठबाट घरतर्फ फर्किने क्रममा विद्युतीय धरापमा करेन्ट लागेर मृत्यु भएपछि दुवै जनाले जंगलमा गाडेको जिल्ला प्रहरी कार्यालय रौतहटका उपरीक्षक दिलिप घिमिरेले बताए ।
चैत्र १४ गते हराएकी महिलाको शव १९ गते गाडिएको अवस्थामा फेला परेको थियो ।

पक्राउ परेका दुवै जनालाई प्रारम्भिक अनुसन्धानपश्चात कर्तव्य ज्यान मुद्दामा थप अनुसन्धान भइरहेको प्रहरी उपरीक्षक घिमिरेले बताए ।

प्रकाशित मिति: शुक्रबार, चैत २२, २०८१

प्रतिक्रिया दिनुहोस्