समाज

अभियन्ता सोम शर्मामाथि सांघातिक हमला, हात भाँचियाे, टाउकाेमा गम्भिर चाेट

सिधाकुरा

मंगलबार, चैत २६, २०८१

अभियन्ता सोम शर्मामाथि सांघातिक हमला, हात भाँचियाे, टाउकाेमा गम्भिर चाेट

काठमाडौँ । सामाजिक अभियन्ता सोम शर्मामाथि सांघातिक हमला भएको छ । सोमबार साँझ खाना खान अनामनगरको अर्नी भान्सा घरमा पुगेका उनीमाथि अज्ञात समूहद्वारा आक्रमण भएको हो ।

Watch On

४ जनाको समूहमा होटल प्रवेश गरेका उनीहरुले शर्मामाथि निर्धात कुटपिट गरेका छन् । आक्रमणमा शर्माको टाउको र हातमा गम्भिर चोट लागेको अस्पतालले जनाएको छ ।

आक्रमण गर्न होटल प्रवेश गरेका उनीहरुले हातमा काठको आग्लो प्रकारको ‘भाटो’ बोकेका थिए । सोही ‘भाटो’ले अन्धाधुन्द प्रहार गरेका उनीहरुले शर्माको हात भाँचिदिएका छन् भने टाउकोमा चोट लागेको छ । ‘साँझ ८ बजेतिर केही हुलमा युवाहरु होटलमा प्रवेश गरे । शर्माजीहरु खाना खानका लागि बस्नुभएको थियो ।’, होटलका सञ्चालक उमेश बोहराले भने, ‘उनीहरुले एकाएक उहाँलाई कुटपिट गरेर ढालेपछि फरार भए ।’

उनीहरुको प्रहारबाट घाइते भएका शर्मालाई तत्काल नयाँ बानेश्वरस्थित सिभिल अस्पताल पुर्याइएको थियो । सिभिलमा चेकजाँचपश्चात उनको थप उपचारका लागि सिनामंगलस्थित केएमसी अस्पताल रेफर गरिएको छ ।

शर्मा सरकारले गरेका बेतिथि र अन्यायविरुद्ध आवाज उठाउँदै आएका थिए । पछिल्लो समय उनी सरकारले कुलमान, रवि र बालेनमाथि अन्याय गरेको भन्दै विरोध गर्दै आएका थिए ।

प्रकाशित मिति: मंगलबार, चैत २६, २०८१

प्रतिक्रिया दिनुहोस्