काठमाडौँ । नेकपा एमालेका सांसद पदम गिरीले २५ करोड तस्करी प्रकरणमा सरकारले गतिलो अनुसन्धान नगरेको दाबी गरेका छन् । सो प्रकरणमा विभिन्न राजनीतिक दलका नेता कार्यकर्ताहरु संलग्न भएको समाचारहरु आएको बताउँदै सांसद गिरीले उक्त तस्करीमा फितलो अनुसन्धान भएको बताएका हुन् ।

Watch On

‘टोखाबाट बरामद भएको विदेशी मुद्रामा केही राजनीतिक दलका नेता कार्यकर्ताहरु संलग्न भएको विभिन्न विषयहरु बाहिर आयो । त्यसमा को को संलग्न थिए ? यो खालको खेल कहाँबाट भइरहेको थियो ? त्यसमा को को संलग्न भएर यो मुलुकमा यस्ता खालका काम भइरहेका छन् । यसको खोजी गर्ने कुरामा, अनुसन्धान गर्ने कुरामा जुन प्रकारले सरकारले काम गर्नुपथ्र्यो, त्यो अझै भएको छैन ।’, सांसद गिरीले भने ।

त्यस्तै उनले उक्त प्रकरणमा संलग्न भनिएकाहरु अनुसन्धानमा नतानिएको, पैसाको स्रोत र कहाँ पठाउन खोजिएको छ भन्ने कुरा समेत नखुलेका कारण त्यसको जवाफ गृहमन्त्रीले संसदमा दिनुपर्ने बताएका छन् । सांसद गिरीले भने, ‘म यहाँनेर आग्रह गर्न चाहान्छु, यो अनुसन्धान गर्ने प्रक्रिया कहाँसम्म पुग्यो ? यसमा को को संलग्न छन् ? त्यसको पैसा कहाँबाट आएर कहाँ पठाउन खोजिएको थियो, के उद्देश्यले त्यो काम गर्न खोजिएको थियो ? त्यसकारण त्यसको गहिरो अनुसन्धान गरेर त्यसमा संलग्न भएकाहरुलाई कारबाही गर्नुपर्ने आवश्यकता छ । त्यसका निम्ति के कस्ता कामहरु भएका छन्, म गृहमन्त्रीज्यूलाई यो संसदमा आएर जवाफ दिन पनि म माग गर्न चाहान्छु ।’

२५ करोडको तस्करीमा राजस्व अनुसन्धान विभागको ‘कच्चा’ अनुसन्धान !

कांग्रेसकै वडाध्यक्षकाे गोदामबाट लोड भएको थियो तस्करीको २५ करोड