शौर्य सिमेन्टको आर्थिक सहयोगमा विद्यालय र स्वास्थ्य केन्द्र भवनको उद्घाटन, शैक्षिक सामग्री हस्तान्तरण

उदयपुर । शौर्य सिमेन्ट इ. लि. को आर्थिक सहयोगमा उदयपुर जिल्लाको कटारी नगरपालिका - ७, मर्जेतपु  स्थित श्री सरस्वती आधारभूत विद्यालय र कटारी नगरपालिका - ८ , आहालेस्थित प्राथमिक स्वास्थ्य केन्द्र भवनको  उद्घाटन समारोह भव्य रूपमा सम्पन्न भएको छ ।

Watch On

विद्यालय भवन उद्घाटनका लागि आयोजित कार्यक्रममा प्रमुख अतिथि कटारी नगरपालिकाका मेयर राजेश चन्द्र श्रेष  ज्यूले शिक्षार स्वास्थय क्षेत्रलाई सशक्त बनाउने शौर्य सिमेन्टको यस्तो प्रयासलाई सराहना गरे। उनले शौर्य सिमेन्टको सामाजिक उत्तरदायित्वले विद्यालयको संरचना बनेको बताउँदै अब संरचना जस्तै शैक्षिक गुणस्तर सुधार आवश्यक रहेको भन्दै त्यसका लागि अभिभावकको सक्रियता जरुरी रहेको बताए । उनकाे उपस्थिति प्रेरणादायी मन्तव्य र सक्रिय सहभागिताले कार्यक्रमलाई थप सफल र प्रभावकारी बनाएको थियो ।

उक्त कार्यक्रममा सहभागी शौर्य सिमेन्टका सिनियर भाइस प्रेसिडेन्ट राजन झाले सामाजिक उत्तरदायित्वलाई स्थानीय तहसँग सहकार्य गरेर अघि बढाइएको जनाउँदै देशको समृद्धिका लागि आर्थिक र राजनीतिक क्षेत्र दुवै सबल हुनुपर्ने बताए | उनले कम्पनीले निर्माण क्षेत्रमा हुने असर न्यूनीकरणका लागि इन्जिनियरको टोली खटाएर अध्ययन र  समाधानको प्रयास गरिरहेको पनि बताए । 

त्यस अवसरमा वडाध्यक्ष तथा नगरपालिकाको सामाजिक विकास समितिका संयोजक सुविन ढुंगानाले विद्यालय  सामुदायिक विकासमा सहयोग गरेकोमा धन्यवाद दिँदे खानी क्षेत्र नजिकको नदी उचाइ र सम्भावित जोखिमप्रति पनि  शौर्यलाई सजग रहन आग्रह गरे ।
विद्यालयका प्रधानाध्यापक जयबहादुर तामाङले कम्पनीले २०५६ सालदेखि विद्यालयलाई निरन्तर सहयोग गर्द आएको उल्लेख गर्दै विद्यालय परिवारको तर्फबाट सम्मान गरेका थिए | 

विद्यालय व्यवस्थापन समितिे अध्यक्ष भीमबहादुर मगरले पनि उद्योगको निरन्तर सहयोगप्रति आभार प्रकट गरे । कार्यक्रमा उद्योगले विद्यार्थीहरूलाई खेल तथा शैक्षिक सामग्री वितरण गर्नुका साथै सहभागी अतिथिलाई मायाको चिनो प्रदान गरेको उद्योगका ब्रान्ड प्रबन्धक अनुज महतले जानकारी दिए । 

यसै दिन वडा नम्बर ८ मा निर्माण सम्पन्न भएको प्राथमिक स्वास्थ्य केन्द्र भवन पनि हस्तान्तरण गरिएको हो । नगरपालिकाको स्वास्थ्य शाखा प्रमुख सुरेश दाहालले भवन हस्तान्तरणसँगे सेवा विस्तार सुरु हुने जानकारी दिए । 

कार्यक्रममा मेयर श्रेष्ठले स्वास्थ्य पहुँचका लागि यो भवन महत्वपूर्ण हुने बताए| वडाथ्यक्ष नविन्द्र तामाङले वडाको भूगोल ठूलो भएकाले यस्तो केन्द्रले सेवा वितरणमा सहजता ल्याउने विश्वास व्यक्त गर्दै , अब वडालाई एम्बुलेन्सको आवश्यकता रहेको समेत औंल्याए । 
  
शौर्य सिमेन्टले आगामी दिनहरूमा पनि शिक्षा स्वास्थ्य तथा समुदाय हितका विविध सामाजिक कार्यहरूमा निरन्तर सहकार्य र योगदान गर्दे जाने दृढ प्रतिबद्धता व्यक्त गरेको छ । जसबाट समाजका थप व्यक्तिहरू लाभान्वित हुने  विश्वास लिइएको छ ।