समाज

रवि लामिछानेसहित २९ जनाविरुद्ध पर्सा जिल्ला अदालतमा मुद्दा दर्ता

सिधाकुरा

आइतबार, असार १, २०८२

रवि लामिछानेसहित २९ जनाविरुद्ध पर्सा जिल्ला अदालतमा मुद्दा दर्ता

काठमाडौँ । राष्ट्रिय स्वतन्त्र पार्टीका सभापति रवि लामिछानेविरुद्ध जिल्ला अदालत पर्सामा समेत मुद्दा दर्ता भएको छ । वीरगन्जको सानो पाइला बचत तथा ऋण सहकारी संस्थाको रकम हिनामिना प्रकरणमा लामिछानेविरुद्ध गत शुक्रबार सहकारी ठगी तथा संगठित अपराधको मुद्दा दर्ता भएको हो ।

Watch On

जिल्ला अदालत पर्साका सूचना अधिकारी राम नरेश महतोका अनुसार लामिछानेविरुद्ध ११ करोड ५६ लाख ९४ हजार रुपैयाँ बिगो मागदाबी सहित मुद्दा दर्ता भएको हो । त्यस्तै सो प्रकरणमा उनीसहित अन्य २९ जनालाई प्रतिवादी बनाइएको छ ।

वीरगन्जको उक्त सहकारीले ५ हजार ८ सय ७३ जना बचतकर्ताको जम्मा २ अर्ब ३० करोड १४ लाख रुपैयाँभन्दा बढी रकम अपचलन गरेको प्रहरी प्रतिवेदनका आधारमा जिल्ला सरकारी वकिल कार्यालयले मुद्दा दर्ता गरेको हो ।
त्यस्तै सोही प्रकरणमा छविलाल जोशीसँग ७ करोड २० लाख ९८ हजार बिगो मागदाबी सहित मुद्दा दर्ता भएको छ ।

पर्सामा मुद्दा दर्ता भइरहँदा लामिछाने भने बुटवलस्थित सुप्रिम सहकारी प्रकरणमा संगठित अपराध तथा ठगीको आरोपमा थुनामा छन्। छविलाल जोशी समेत सोही प्रकरणमा थुनामा रहेका छन् ।

प्रकाशित मिति: आइतबार, असार १, २०८२

प्रतिक्रिया दिनुहोस्