समाज

उपत्यकाबाहिर स्वास्थ्य जनशक्ति पठाउन समस्याः स्वास्थ्यमन्त्री पौडेल

सिधाकुरा

मंगलबार, साउन १३, २०८२

उपत्यकाबाहिर स्वास्थ्य जनशक्ति पठाउन समस्याः स्वास्थ्यमन्त्री पौडेल

स्वास्थ्यमन्त्री प्रदीप पौडेलले उपत्यकाबाहिर स्वास्थ्य जनशक्ति पठाउन समस्या भएको गुनासो गरेका छन् ।
मंगलबार ललितपुरमा मन्त्रालयले आयोजना गरेको स्वास्थ्य आपत्तकालीन कार्यसञ्चालन केन्द्रको क्षमता अभिवृद्धि कार्यक्रममा पौडेलले स्वास्थ्यकर्मीहरुलाई उपत्यका बाहिर सरुवा गर्दा रमाना नै नबुझ्ने गरेको गुनासो गरे । उपत्यका बाहिर रहेका संघीय, प्रदेशीक लगाएतका स्वास्थ्य संस्थाहरुमा आवश्यक पर्ने उपलव्ध गराउन नसकिएको उनले बताए ।

Watch On

मन्त्री पौडेलले अहिले उपत्यकामा आवश्यकताको करिव ७५ प्रतिशत र उपत्यका बाहिर करिव ३३ प्रतिशत मात्रै स्वास्थ्य जनशक्ति रहेको जानकारी दिए । अहिले स्वास्थ्य मन्त्रालयमा जम्मा स्वास्थ्यकर्मीहरूको संख्या २६ सय रहेको र उपत्यका बाहिर आवश्यकताको एकतिहाई जनशक्ति समेत नरहेको उनले बताए ।

पौडेलले सवै स्थानमा आवश्यकता अनुसार जनशक्ति राख्न सकिए सोहि स्थानमा हुने बिपद्मा तत्काल स्वास्थ्य सहयोग गर्न सहज हुने धारणा राखेका छन् ।
उनले स्वास्थ्य क्षेत्रमा लगानी निकै कम रहेको समेत बताए । स्वास्थ्य संस्थालाई पूर्ण क्षमतामा सञ्चालन गर्न सकिए संकट व्यवस्थापनमा ठूलो सहयोग पुराउन सकिने उनको भनाइ छ ।

प्रकाशित मिति: मंगलबार, साउन १३, २०८२

प्रतिक्रिया दिनुहोस्