मुख्य समाचार

१२६ दिनसम्म घाम देख्न नपाएका कारण रवि लामिछानेको स्वास्थ्यमा समस्या

सिधाकुरा

मंगलबार, भदौ ३, २०८२

१२६ दिनसम्म घाम देख्न नपाएका कारण रवि लामिछानेको स्वास्थ्यमा समस्या

काठमाडौँ । राष्ट्रिय स्वतन्त्र पार्टीका सभापति रवि लामिछानेलाई रुपन्देही कारागारमा रहेका बेला बाहिर निस्कन नपाएका कारण शरीरमा भिटामिन डि को कमी देखिएको छ। हिजो लामिछानेलाई भेट्न पुगेका कार्यवाहक सभापति डिपी अर्यालले उनको स्वास्थ्यमा समस्या देखिएपछि जाँचको लागि कारगार प्रशासनलाई आग्रह गरेका थिए । त्यसपछि ट्रमा सेन्टरका डा. जितेन्द्र प्रसाद यादवको टोलीले उनको जाँच गरेको थियो ।

चिकित्सकको टोलीले लामिछानेको रगत परिक्षणको लागि स्याम्पल पनि लिएको थियो । रगत परीक्षणका क्रममा उनलाई भिटामिन डि को कमी देखिएको हो ।

रूपन्देही कारागारमा १२६ दिनसम्म भित्र नै थुनेर राखेको, बाहिरी हावा नपाएको, धेरै दिनसम्म शरीरले घाम नपाएको कारण यस्तो भएको भन्ने राय डाक्टर यादवको रहेको छ।

केही कुरामा गम्भीर सावधानी अपनाउन आवस्यक रहेको हुनाले डाक्टर जितेन्द्र प्रसाद यादव लामिछानेलाई भेटेर परामर्श दिन नख्खु कारागार पुगेका छन् ।

शरीरमा भिटामिन ‘डी’ को कमी हुँदा हड्डीको समस्या आउने, रोगसँग लड्ने क्षमता कम हुने, कपाल झर्ने तथा थकाइ लाग्नेजस्ता विभिन्न समस्या देखिने चिकित्सकहरुको भनाइ छ ।

प्रकाशित मिति: मंगलबार, भदौ ३, २०८२

प्रतिक्रिया दिनुहोस्