ठूलो पद वा कदले मानिसभित्रको पीडा परिभाषित हुँदैन, मनोसामाजिक स्वास्थ्य समस्यालाई नजरअन्दाज नगरौँः क्रान्तिशिखा धिताल

काठमाडौँ । राष्ट्रिय स्वतन्त्र पार्टीकी सांसद क्रान्तिशिखा धितालले समाजमा बढ्दो मानसिक समस्याका विषयमा सभामुखमाफर्त सरकारको ध्यानाकर्षण गराएकी छन् ।

मंगलबार बसेको प्रतिनिधिसभा बैठकको शून्य समयमा बोल्दै सांसद धितालले देशमा बढ्दो मानसिक समस्याको विषयमा सरकारको ध्यानाकर्षण गराएकी हुन्।

Watch On

उनले भनिन्, ‘म आज संसदको यो शुन्य समयमार्फत् सिंगो देशलाई नै आह्वान गर्न चाहन्छु। मनोसामाजिक स्वास्थ्य समस्यालाइ आजसम्म कि त समस्या नै होइन जसरी बुझिएको छ । कि त लुकाएर राखिएको छ । मानसिक समस्या झेल्नेहरुका लागि परिवारले समेत ध्यान दिन, सघाउन सकेको  अवस्था छैन । स्पष्ट निति नहुदाका समस्या र जनस्तरमा चेतनाको अभावलाई  चिर्ने गरेर , राज्यले मनोसामाजिक परामर्श दाताको उपयोगिताबारे अब  निति निर्माण गर्नु पर्ने समय आएको छ।’

संसद् र सरकारमा आज जे परिवर्तन देखिएको छ, त्यो युवा आन्दोलनको देन भएको बताउँदै सांसद् धितालले भनिन्, ‘आन्दोलनका शहीद परिवार होस् या घाइतेहरु, या भनौं सुरक्षाकर्मी र कर्मचारीहरु नै । हामी जोकोही मानसिक समस्याहरुबाट गुज्रेका हुन सक्छौं । सफलतामात्रै नहेरौं, यसभित्रको ठूलो समस्यालाई पनि नजरअन्दाज नगरौं ।’   

त्यस्तै सांसद् धितालले हामी मध्य जो कोही , मानसिक स्वास्थ्य समस्याबाट कुनै न कुनै रुपमा ग्रसित हुन सक्ने भन्दै व्यक्तिको कति ठूलो पद छ वा कद छ भन्ने कुराले हामीभित्रको पीडा परिभाषित नहुने बताउँदै यस विषयमा गम्भीर बन्न सरकारको ध्यानाकर्षण गराएकी हुन् । 

उनले भनिन्, ‘व्यक्तिको कति ठूलो पद छ वा कद छ भन्ने कुराले हामीभित्रको पीडा परिभाषित हुँदैन ।’