समाज

बाढीले पाँच जलविद्युत् आयोजनामा क्षति

सिधाकुरा

बुधबार, भदौ १०, २०८३

काठमाडौँ । रसुवामा आएको भीषण बाढीबाट यस क्षेत्रका पाँचवटा जलविद्युत आयोजनामा क्षति पुगेको छ ।

Watch On

नेपाल विद्युत प्राधिकरणकाअनुसार त्यस क्षेत्रका प्राधिकरणका उत्पादन, प्रसारण र वितरणसँग सम्बन्धित रसुवागढी, चिलिमे, त्रिशुली ३ ए, त्रिशुली ३ वी हब २२० के.भी. सवस्टेशन, त्रिशुली तथा देविघाट जलविद्युत केन्द्र एवम् विभिन्न वितरण संरचनाहरु समेत क्षतिग्रस्त भएको छ ।

साथै विद्युत आपूर्ति अवरुद्ध हुन गएको छ । प्राधिकरणले विद्युत आपूर्ति नियमित गर्न हरसम्भव प्रयास गर्ने प्रतिबद्धता व्यक्त गर्दै आपूर्ति नियमित नहुन्जेल सम्म धैर्य गर्न अपिल गरेको छ ।

प्राधिकरणले बेपत्ता तथा प्रभावित सुरक्षाकर्मी, राष्ट्रसेवक कर्मचारी तथा सर्वसाधारण सबैको खोज, उद्धार, राहत तथा पुनःस्थापनाका लागि सम्वन्धित सवै पक्षहरुलाई तत्काल प्रभावकारी रूपमा परिचालित भई सहयोग गरिदिन अनुरोध गरेको छ ।

बाढीको जोखिम अझै कायम रहन सक्ने भएकाले नदी तथा खोलाको आसपास, तटीय क्षेत्र र जोखिमयुक्त स्थानमा रहेका राष्ट्रसेवक तथा प्राधिकरणका कर्मचारी र सर्वसाधारण सबैले उच्च सतर्कता अपनाउन तथा थप जोखिम देखिएमा सुरक्षित स्थानतर्फ स्थानान्तरण हुन आग्रह गरेको छ ।

प्रकाशित मिति: बुधबार, भदौ १०, २०८३

प्रतिक्रिया दिनुहोस्