बाढीबाट क्षतिग्रस्त पूर्वाधारको मूल्यांकनका लागि ड्रोन टेक्नोलोजी प्रयोग गरौं : ऊर्जामन्त्री श्रेष्ठ
काठमाडौँ । ऊर्जा, जलस्रोत तथा सिँचाइ मन्त्री विराज भक्त श्रेष्ठले रसुवा बाढी प्रभावित क्षेत्रमा ड्रोन टेक्नोलोजी प्रयोग गरेर क्षतिको मूल्यांकन गर्नुपर्ने बताएका छन् ।
Watch On
शनिबार राष्ट्रिय विपद् जोखिम न्यूनीकरण तथा व्यवस्थापन प्राधिकरणको बैठकलाई सम्बोधन गर्दै मन्त्री श्रेष्ठले प्रभावित क्षेत्रमा आवश्यक स्रोत साधन जुटाउनमा केन्द्रित हुन निर्देशन दिए । ‘फिल्डमा के आवश्यक पर्छ, त्यो स्रोतसाधनहरु जुटाउनेगरी प्राधिकरणको स्कोप अगाडि बढाउनुपर्छ,’ उनले भने ।
मन्त्री श्रेष्ठले ड्रोन टेक्नोलोजी प्रयोग गरेर र्यापिड ड्यामेज एसेसमेन्ट लिनेगरी त्यसमा लाग्न निर्देशन दिए । ‘सबै प्राइभेट ड्रोनदेखि एनइए इन्जिनियर्सको ड्रोन पनि प्रयोग गरेर हाइड्रो पावर लगायत सबै बगेका बस्तीहरु र क्षति पुगेका पूर्वाधारहरुको चाँडै क्षति मूल्यांकन गरेर राष्ट्रिय योजना आयोगमार्फत पोस्ट डिसास्टर निड एसेसमेन्ट गर्नुपर्छ,’ उनले भने ।
मन्त्री श्रेष्ठले विभिन्न १४ वटा निकायका प्रतिनिधि सहभागी बैठकमा अबको तीन दिन, सात दिन र एक महिनाको योजना बनाएर अगाडि बढ्न निर्देशन दिए । आधिकारिक सञ्चारमा एकद्वार प्रणाली अपनाउन पनि निर्देशन दिए ।
मन्त्री श्रेष्ठकाअनुसार पूर्वाधार मन्त्रालय र ऊर्जा मन्त्रालय मिलेर डिटेल ड्यामेन्ट निड एसेसमेन्ट गरिरहेका छन् । यसमा मन्त्री श्रेष्ठको सचिवालय सक्रिय रहेको छ ।
मन्त्री श्रेष्ठले यो विषम परिस्थितिमा उच्च मनोबलका साथ काम गर्न निर्देशन दिँदै प्राधिकरण र सरकार पक्षले जनताको अभिभावकको भूमिका अझै प्रगाढ रुपमा निर्वाह गर्नुपर्नेमा जोड दिए ।
अनुमति लिएर ड्रोन प्रयोग गर्न दिइने
मन्त्री श्रेष्ठको अध्यक्षतामा बसेको प्राधिकरणको बैठकले प्रचलित कानुनबमोजिम अनुमति लिएर ड्रोन प्रयोग गर्न दिने निर्णय गरेको छ ।
बैठकपछि विपद् प्राधिकरणका उपसचिव रामबहादुर केसीले सूचना जारी गर्दै उद्धार उडानको सुरक्षा संवेदनशीलतालाई ध्यानमा राखी 'मानवरहित हवाई उपकरण RPA / Drone उडान सम्बन्धी कार्यविधि, २०७५' बमोजिम सम्बन्धित जिल्ला प्रशासन कार्यालय वा गृह मन्त्रालयको पूर्वस्वीकृति लिएर ड्रोन उडाउन अपिल गरेका छन् ।
अनुमति नलिइ ड्रोन चलाउँदा हेलिकप्टरमार्फत भइरहेको उद्धारमा बाधा पुग्ने र हवाइ सुरक्षामा पनि चुनौती थप्ने भएकाले अनुमति लिएर ड्रोन प्रयोग गर्न भनिएको हो ।
-1787142886.jpg)
'भोटेकोशी जलाधारमा महापहिरो खस्नुअघि नै सर्दै थियो जमिन'
रसुवाको भोटेकोशीमा बाढी निम्त्याउने गरी गत भदौ १० मा गएको महापहिरो खस्नुभन्दा अघिदेखि नै त्यस क्षेत्रमा जमिन बिस्तारै सरिरहेको पाइएको छ। आइतबार, भदौ १४, २०८३
त्रिशूली–३ ‘बी’ को आयोजनास्थलमा खोज तथा उद्धार सुरु
भोटेकोशी बाढीबाट प्रभावित त्रिशूली–३ ‘बी’ जलविद्युत् आयोजनास्थलमा खोज तथा उद्धारमा नेपाली सेनासहितको प्राविधिक टोली परिचालन भएको छ । आइतबार, भदौ १४, २०८३
बाढी पीडितका लागि पद्म ज्योति समूहको एक करोड सहयोग, प्रधानमन्त्री राहत कोषमा जम्मा
रसुवा भोटेकोशी बाढी प्रभावितका लागि पद्म ज्योति समूहले एक करोड रुपैयाँ सहयोग गरेको छ । आइतबार, भदौ १४, २०८३
बाढी प्रभावित क्षेत्रमा उच्च गतिको नि:शुल्क इन्टरनेट उपलब्ध गराउने स्टारलिङ्कको प्रस्ताव
इलोन मस्कको स्पेसएक्सद्वारा सञ्चालित स्टारलिङ्कले भोटेकोशी बाढी प्रभावित क्षेत्रमा नि:शुल्क इन्टरनेट सेवा उपलब्ध गराउने प्रस्ताव गरेको छ । आइतबार, भदौ १४, २०८३भर्खरै
- 'भोटेकोशी जलाधारमा महापहिरो खस्नुअघि नै सर्दै थियो जमिन'
- त्रिशूली–३ ‘बी’ को आयोजनास्थलमा खोज तथा उद्धार सुरु
- बाढी पीडितका लागि पद्म ज्योति समूहको एक करोड सहयोग, प्रधानमन्त्री राहत कोषमा जम्मा
- बाढीबाट क्षतिग्रस्त पूर्वाधारको मूल्यांकनका लागि ड्रोन टेक्नोलोजी प्रयोग गरौं : ऊर्जामन्त्री श्रेष्ठ
- बाढी प्रभावित क्षेत्रमा उच्च गतिको नि:शुल्क इन्टरनेट उपलब्ध गराउने स्टारलिङ्कको प्रस्ताव
- बाढी प्रभावित क्षेत्र पुगेर अर्थमन्त्रीको ढाडस, 'ढुक्क हुनुहोस्, स्रोतको अभाव हुन दिनेछैनौँ'
- रास्वपा सांसदहरुलाई सचेतक धितालको कडा निर्देशन : अनावश्यक रूपमा बाढी प्रभावित क्षेत्रमा नजानु
- नेकपाले बाढी पीडितका लागि प्रधानमन्त्री राहत कोषमा २५ लाख जम्मा गर्ने
