समाज

रास्वपाले भन्योः बिचौलियाको संरक्षण गर्न कुलमानलाई हटाइयो, आन्दोलनमा सहभागी हुन्छौँ

सिधाकुरा

मंगलबार, चैत १२, २०८१

रास्वपाले भन्योः बिचौलियाको संरक्षण गर्न कुलमानलाई हटाइयो, आन्दोलनमा सहभागी हुन्छौँ

काठमाडौँ । राष्ट्रिय स्वतन्त्र पार्टी (रास्वपा)ले भ्रष्टाचारी जोगाउने र बिचौलिया पोस्ने जगमा बनेको सरकारको औचित्य सकिएको जनाएको छ । साथै सरकारको विरोधमा गरिने शान्तिपूर्र्ण आन्दोलनहरुमा रास्वपा सहभागी हुने भएको छ । कार्यवाहक महामन्त्री कविन्द्र बुर्लाकोटीले मंगलबार जारी गरेको विज्ञप्तिमा भनिएको छ, ‘भ्रष्टाचारी जोगाउने र बिचौलिया पोस्ने जगमा बनेको यस सरकारको विरोधमा गरिने शान्तिपूर्ण कार्यक्रमहरूमा राष्ट्रिय स्वतन्त्र पार्टीको नेतृत्व, सहभागिता एवं ऐक्यबद्धता हुनेछ।’

Watch On

साथै रास्वपाले नेपाल विद्युत प्राधिकरणका कार्यकारी निर्देशक कुलमान घिसिङलाई पदबाट हटाउने निर्णयको पनि विरोध गरेको छ ।

रास्वपाले भनेको छ,‘विद्युत प्राधिकरणलाई वित्तीय सुदृढीकरणको बाटोमा लैजान प्रयासरत राष्ट्रसेवकलाई बक्यौता रकम उठाउन नदिने हेतु सरकारका तर्फबाट भए गरेका दुष्प्रयास र बिचौलियाहरूको संरक्षणको श्रृंखला अन्तर्गत नै घिसिङमाथि कारबाही गरिएको रास्वपाको निष्कर्ष छ। संविधानले नचिन्ने दुई दलीय संयन्त्रसमेतको सम्मतिमा गरिएका यस्ता जनविरोधी कदमहरूबाट देशमा केही गरौं भन्ने आम युवा र सचेत नागरिक पूर्णतः निरुत्साहित भएको राष्ट्रिय स्वतन्त्र पार्टीको ठहर छ,’।

रास्वपाले वर्तमान सरकारको औचित्यसमेत समाप्त भएको बताएको छ।