सर्वोच्चलाई रास्वपाले सम्झायो अदालतबारे गगन थापा, राम कुमारी झाँक्री र शम्भु थापाको अभिव्यक्ति

काठमाडौं । राष्ट्रिय स्वतन्त्र पार्टीले आफ्नो नेताहरुमाथि अदालतमा हालिएको मुद्दा नोटिसमा रहेको जनाएको छ । सभापति रवि लामिछानेमाथिको राजनीतिक प्रतिशोध विरुद्ध दोस्रो चरणको आन्दोलन घोषणा गर्न आइतबार पार्टी कार्यालयमा आयोजित पत्रकार सम्मेलनमा सञ्चारकर्मीको प्रश्नको जवाफ दिँदै रास्वपाले यस्तो भनाई सार्वजनिक गरेको हो । 

Watch On

रास्वपाको आन्दोलन विरुद्ध सर्वोच्चमा मुद्दा परेको तर फेरि दोस्रो चरणको आन्दोलन घोषणा गरिएको छ नी रु भन्ने सञ्चारकर्मीको जिज्ञासामा रास्वपाका कार्यवाहक प्रवक्ता मनिष झाले मुद्दा नोटिसमा रहेको बताएका हुन् । 

सभापतिको पक्षमा गरिएको आन्दोलन अदालत प्रवेश नगरेको भन्दै प्रवक्ता झाले कानुनी प्रक्रियामा नभई आफूहरू कानुनी छिद्रमा टेकेर  गरिएको राजनीतिक प्रतिशोधको विरोध गरेको बताए ।   

न्यायलय र यसको पक्षधरताबारे धेरै कुरा सार्वजनिक नोटिसमा रहेको भन्दै नेता झाले भने, ‘सर्वोच्च अदालतले दुई पटक दरपिठ गरेको मुद्दा दर्ता भएको छ । हामीले नोटिस गरेका छौँ,’ उनले भने,‘ दिलभुषण पाठकको अन्तरवार्तामा शम्भु थापाले भन्नु भएको छ । अस्ति भर्खरै एउटा पत्रिकाको कन्क्लेभमै दलसँग प्रधानन्यायाधीशको सम्बन्धबारे गगन थापाले भन्नु भएको छ । हामीले कता कता रामकुमारी झाँक्रीको कुरा पनि सुनिरहेका छौँ ।मन्त्री हुँदा कसरी गए मुद्दा यसो गरिदिएँ उसो गरिदिएँ भनेर उहाँले भन्नु भएको छ ।’

नेता झाले रवि लामिछानेको केशमा यस्तो राजनीतिक अभ्यास नगर भनेर भनेको पनि प्रष्ट्याए । ‘ तपाईंहरुबाट निष्पक्षताको आश गर्छौँ भनेर सडकबाट बोल्न नपाइने त होइन होला’ झाले थपे, ‘हामी न्यायपालिकाबाट निष्पक्षताको आश गर्छौँ, तपाईं हिजो जतासुकै सदस्य हुनुहुन्थ्यो । जे सुकै अभ्यास थियो । तर, अहिले तपाईं यो जिम्मेवारीमा हुनुहुन्छ र त्यहाँ चाँही हामी जिम्मेवारपूर्ण संविधानको हक र निष्पक्ष न्याय प्रणालीको हक राख्छौँ भनेर हामीले भन्न पाउँछौँ । र न्यायलयबाट र संविधानबाट त्यो अपेक्षा राख्न हामीले पाउँछौँ ।’ नेता झाले न्यायलयको प्रक्रियामा सघाउने प्रष्ट्याए ।