साफ महिला यु–२० च्याम्पियनसिप: पहिलो हारको बदला संगै आजको खेल जित्नै पर्ने दबाबमा नेपाल

काठमाडौं । नेपालले साफ महिला यु–२० च्याम्पियनसिपको अन्तिम खेल आज घरेलु टोली बंगलादेशसंग खेल्दैछ ।

Watch On

बंगलादेशको ढाकाको किङ्स एरेनामा आज साँझ नेपाली समय आनुसार ६ः४५ बजे खेल सुरु हुँदैछ । नेपालका लागि यो खेल जित्नै पर्नेमा दबाबमा रहदा यता बंगलादेशका लागि भने बराबरीमा नेपाललाई रोक्न सकेमा पनि उसले उपाधि उचाल्ने छ । नेपालका लागि उपाधिको हिसाबले मात्र नभइ, आजको खेल च्याम्पियनसिपको पहिलो खेलमा बंगलादेशसंग व्यहोरेको ३–२ गोलको हारको बदला लिने अवसर पनि हुने छ ।

दुवै टोलीले समुृह चरणका पाँच–पाँच खेल खेलिसकेका छन् । जसमा बंगलादेश शतप्रतिशत जित निकालेर १५ अंक सहित शीर्ष स्थानमा रहदा यता नेपाल भने १२ अंक सहित दोस्रो स्थानमा रहेको छ । नेपालले बंगलादेशलाई जित्दा गोल संख्याको आधारमा नेपाल विजेता बन्नेछ ।  नेपालको गोल संख्या ३० भने बंगलादेशको २४ मात्रै छ । तर, बंगलादेशले नेपाललाई बराबरीमा रोक्यो भने उपाधि बंगलादेश उचाल्ने छ । 

नेपालले यस अघिका खेलहरुमा श्रीलंकामाथि ७–० को दोहोरो जित निकालेको छ भने भुटानलाई ८–० ले जितेको छ । खेलको अन्तीम समयको पाँचौ मिनेटमा नेपाल सम्हालिन नसक्दा आफ्नो पहिलो खेलमा बंगलादेश संग २–३ गोल अन्तरले हार व्यहोर्नु परेको थियो । तर पछिल्ला तीन खेलमा नेपालले एउटा पनि गोल खाएको छैन । पाँच खेलमा नेपालकी स्ट्राइकर पूर्णिमा राईले व्यक्तिगत १० गोल गर्दै प्रतियोगिताकै सर्वाधिक स्कोरर बनेकी छन् । 

पहिलो खेलको हारको बदला लिँदै उपाधि सहित नेपाली महिला टोली नेपाल फर्कने आत्मविश्वासका साथ नेपाली टोली मैदानमा उत्रदैछ ।