अरुण चौधरीः सरकारी जग्गामा लामो हात, २५ कम्पनीका मालिकको हिरासत बास

काठमाडौँ । नेपालको चर्चित ब्यापारिक घरना चौधरी समूहका अरुण कुमार चौधरी पक्राउ परेका छन् । आठ फरक–फरक क्षेत्रका २५ कम्पनी र व्यवसायका मालिक चौधरीलाई प्रहरीको केन्द्रिय अनुसन्धान ब्यूरो (सीआईबी) ले बिहिबार सरकारी जग्गा हिनामिनाको आरोपमा आफ्नै निवासबाट पक्राउ गरेको हो । 

Watch On

सो आरोपमा ब्यूरोले सिजी होल्डिङ्सका प्रबन्ध निर्देशक अरुण चौधरी, छाला जुत्ता कारखानाका तत्कालीन सञ्चालक समिति अध्यक्ष अजित नारायणसिंह थापा र आम्रपाली कन्ट्रक्सनका सञ्जय ठाकुरलाई पनि पक्राउ गरेर अनुसन्धान सुरु गरेको छ । 

उनीहरुमाथि सरकारी स्वमित्वको बाँसबारी छालाजुत्ता कारखानाको १० रोपनी जग्गा हिनामिना गरेर सीजी रेसिडेन्सी प्रा.लि.को नाममा नामसारी गरेको आरोप छ ।नेपालको एक मात्र डलर अर्बपति बिनोद चौधरीको सहोदर कान्छो भाइ अरुणलाई चार दिन हिरासतमा राखेर अनुसन्धान गर्न जिल्ला अदालत काठमाडौँले सीआईबीलाई अनुमति दिइसकेको छ । 

उद्योगी चौधरी पक्राउलाई लिएर निजी क्षेत्रका संघ संस्थाहरुले आपत्ति जनाएका छन् । बिगं्रदो आर्थिक अवस्थालाई थप मलजल गर्न उद्योगी व्यवसायीमाथि राज्यले धरपकड गरेको उद्योगी व्यवसायीहरुको छाता संगठनहरुको आरोप छ । नेपाल उद्योग वाणिज्य महासंघले बिहिबार नै एक विज्ञप्ति जारी गर्दै राज्यले पहिले पक्राउ गरेर प्रमाण जुटाउने शैलीले उद्योगी व्यवसायीको मानमर्दन भएको भन्दै आपत्ति जनाएको छ । 

यस्तै, उद्योगी व्यवसायीहरुको अर्को छाता संस्था नेपाल उद्योग परिसंघले पत्रकार सम्मेलनकै आयोजना गरेर आरोप प्रमाणित नहुँदै चौधरीलाई पक्राउ गरिएको भन्दै आपत्ति जनाएको छ । परिसंघले उद्योगी एवम् व्यवसायी अरुण चौधरी पक्राउको निर्णय सच्याउन पनि माग गरेको छ । 

को हुन पक्राउ परेका चौधरी ?

काठमाडौँको न्यूरोडमा कपडाको व्यापार गर्ने लुनकरणदास चौधरीका ३ भाइ छोराहरु छन् । जेठो बिनोद चौधरी, माइलो बसन्त चौधरी र कान्छो अरुण चौधरी । लुनकरणले सुरु गरेको व्यवसायलाई बिस्तार गर्दै तीनै भाइ मिलेर खडा भयो चौधरी ग्रुप । खाद्य, पेय, निर्माणदेखि सेवा क्षेत्र हुँदै बैंक तथा वित्तिय संस्था, ट्रेडिङदेखि रियल स्टेटसम्म यो समूहको लगानी फैलियो । 

बाबु लुनकरणदासको बिरासतमा बनेको चौधरीको साम्राज्यमा तीनै भाइ एकै ठाउँमा भने रहन सकेनन् । सम्पत्तिको अंशबण्डा गरियो । बाबुको व्यापारको बिणो थामेका जेठो छोरा बिनोदले चौधरी ग्रुप नामको ब्राण्डसहितका धेरै जसो उद्योग र व्यवसाय आफ्नो भागमा राखेर भाइहरुको सम्पत्ति भाग छुट्याए । जसमा माइलो भाइ बसन्त चौधरीको नाममा नर्भिक अस्पताल र पशुपति बिस्कुट उद्योग भाग प¥यो । अरुण चौधरीको भागमा चाँदबाग स्कुल, हिमालयन ब्रुअरी, सुजुकीको नेपाल बिक्री लगायतका कम्पनी भागमा प¥यो । पुख्र्यौली सम्पत्तिका अलवा अरुण आफैँले छुट्टा भिन्दै भएपछि आफ्नो व्यवसायलाई सीजी होल्डिङ्सको नाममा बिस्तार थाले । उनी सीजी होल्डिङ्सका प्रबन्ध निर्देशक हुन् । जसअन्र्तगत ८ फरक फरक क्षेत्रका दर्जनौँ उद्योग तथा व्यवसायहरु सञ्चालनमा छन् । 

होल्डिङ्स अन्र्तगत खाद्यन्न देखि रियल स्टेट, रेमिट्यान्स, ट्रेडिङ र अटोमोबाइलमा अरुणले आफ्नो व्यापार बिस्तार गरेका छन् । अटोमोबाइल व्यवसायमा यो समूहले नेपालमा सुजुकी गाडीको एजेन्सी बिक्रि गर्छ । यस्तै नेपाल ल्युव आयल अन्तरर्गत गल्फ लुब्रिकेन्टको कारोबार पनि होल्डिङ्सको प्रमुख कारोबार हो । यस्तै, सीजी लर्निङ अन्र्तगत समूहले भक्तपुरमा काठमाडौँ वल्र्ड स्कुल, सीजी इन्स्टीच्युट अफ म्यानेजमेन्ट, एक्सएल कलेज र प्रिमियर कलेज सञ्चालन गरेको छ ।  

कम्पनीले त्रिशक्ति डिस्टीलरी र हिमालयन ब्रुअरीमार्फत मदिराको उत्पादन र बिक्री गर्ने गरेको छ भने वित्तिय क्षेत्रतर्फ सीजी रेमिट्यान्स कम्पनी सञ्चालनमा छ । कम्पनीले सेफ ब्राण्डमा खाने तेलको उत्पादन र बिक्री पनि गर्दै आएको छ । हस्पिटालिटी क्षेत्र अन्र्तगत होटल र रिर्सोट निर्माण तथा व्यवस्थापनमा पनि यो समूह आक्रामक छ । यो समूहले मिराइकी रिर्सोट, टाइगरल्याण्ड सफारी रिर्सोट सञ्चालन गरिरहेको छ भने भंगेरी दरबार रिर्सोट, क्राउन प्लाजा होटल र लेमन ट्री होटल सञ्चालनको चरणमा छन् । घरजग्गा र अर्पाटमेन्ट कारोबारमा आक्रामक समूहसँग काठमाडौँ उपत्यकामै दर्जनौँ अपार्टमेन्ट  र भिल्लाहरु छन् । 

सीजी प्रोपर्टी अन्तर्गत यो समूहले सीटी स्केप टावर हात्तिवन, सीटी स्केप भिल्ला हात्तिवन र सीजी भिल्ला एक सुनाकोटी परियोजना सम्पन्न गरिसकेको छ । यस्तै, सीजी भिल्ला फेज २ सुनाकोटी, लेक भ्यू फेज १ र २ धापाखेल निर्माणको चरणमा छ । यस्तै सीजी हाइट भैंसेपाटी, बुढानिलकण्ठ, र पनौती फेज एक, दुई, तीन निर्माण सम्पन्न हुने चरणमा छन् ।