समाज

‘सम्पत्ति छानबिन हुन थालेपछि दीपक खड्का भागे, अरु पनि भाग्ने क्रममा’

उनको घरबाट डलरको वर्षा भएको भिडियो सार्वजनिक भएको थियो ।

सिधाकुरा

आइतबार, कात्तिक २, २०८२

‘सम्पत्ति छानबिन हुन थालेपछि दीपक खड्का भागे, अरु पनि भाग्ने क्रममा’

काठमाडौँ । गृहमन्त्री अ‍ोमप्रकाश अर्यालले निवर्तमान उर्जा तथा जलस्रोत मन्त्री दीपक खड्का भागेको बताएका छन् । नयाँ पत्रिका दैनिकसँगको अन्र्तवार्ताका क्रममा उनले खड्का भागिसकेको बताएका हुन् । उनले उक्त अन्र्तवाता अन्य नेताहरु पनि भाग्ने तयारीमा रहेको बताएका छन् ।

Watch On

गृहमन्त्री अर्यालका अनुसार अहिले सरकारले सम्पत्ति शुद्धीकरण अनुसन्धान विभागलाई पूर्ण रूपमा सक्रिय बनाएको छ । अहिले विभागले ठुल्ठुला नेताका बारेमा छानबिन सुरु गरिसकेको छ । उनले अन्र्तवार्तामा भनेका छन्, ‘यहाँ ठुल्ठुला नेताका बारेमा छानबिन सुरु भइरहेको कुरा आइसकेको छ । कसैको भागाभागसमेत भएको छ । तत्कालीन ऊर्जामन्त्री भागिसके ।’

गृहमन्त्री अर्यालले अनय नेताहरु पनि भाग्ने तयारी गरिरहेको बताउँदै उनीहरुलाई रोक्ने तयारी भईरहेको बताएका छन् । ‘अरू पनि भाग्न खोज्दै छन् । उनीहरूलाई भाग्नबाट रोक्नेसम्बन्धी प्रावधान छन् कि भनेर हामी अध्ययन गरिरहेका छौँ ।’

स्काउटको जग्गा प्रकरण, कुलमान घिसिङलाई प्राधिकरणबाट हटाएको विषयमा उनको चर्को आलोचना भएको थियो । जेनजी आन्दोलनका क्रममा उनको घरमा पनि आगजनी तथा तोडफोड भएको थियो । सो क्रममा उनको घरबाट ठूलो संख्यामा विदेशी पैसा (डलर) उडेको थियो ।

चुनावी सरकारका गृहमन्त्री ओमप्रकाश अर्यालसँग नवराज मैनालीले गरेको कुराकानी आजको नयाँ पत्रिका दैनिकमा प्रकाशित छ ।