नेभिगेशन
समाज

आङ्देम्बेको चेतावनी– बालेन सरकारसँग अब वार कि पारको लडाइँ हुन्छ

काठमाडौं । प्रमुख प्रतिपक्षी नेपाली कांग्रेस संसदीय दलका नेता भीष्मराज आङ्देम्बेले बालेन सरकारसँग अब वार कि पारको लडाइँ हुने चेतावनी दिएका छन् । सरकारको कार्यशैलीप्रति असन्तुष्टि जनाउँदै उनले अब सरकारलाई कुनै साथ, सहयोग र सल्लाह नदिने बताएका छन् ।

Watch On

Facebook Tiktok Youtube Instagram Twitter

सोमबार गृहजिल्ला पाँचथरमा आयोजित पाँचथर बहुमुखी क्याम्पसको साधारणसभामा बोल्दै आङ्देम्बेले न्यायालय, प्रहरी र कर्मचारी प्रशासनमाथि सरकारको हस्तक्षेप बढेको आरोप लगाए । प्रधानमन्त्री कार्यालयलाई कर्मचारीका लागि यातनागृह बनाइएको भन्दै उनले राज्यका लोकतान्त्रिक संस्थामाथिको हस्तक्षेप गलत भएको बताए ।

Marvel
Extreme Energy

‘यो सरकारलाई यत्तिकासम्म हेर्‍यौँ । तर, न्यायालयमाथि हस्तक्षेप बढायो । प्रधानमन्त्री कार्यालयलाई कर्मचारीका लागि यातनागृह बनाइयो, प्रहरीमाथि हस्तक्षेप बढायो । राज्यका लोकतान्त्रिक संस्थाहरूमाथि हस्तक्षेप भयो । यो गलत छ,’ उनले भने, ‘अब यो सरकारलाई कुनै साथ रहने छैन । कुनै सल्लाह पनि दिइने छैन । मनपरी गर्नेलाई सल्लाह दिनु कुनै अर्थ छैन । अब वार कि पार हुन्छ ।’

आङ्देम्बेले संसद् अधिवेशन तत्काल आह्वान गर्न पनि सरकारसँग माग गरे ।

यसैगरी, उनले सामुदायिक क्याम्पसहरूलाई आङ्गिक क्याम्पसमा रूपान्तरण गर्नुपर्ने बताए । प्रदेश सरकारले पनि उच्च शिक्षाको स्वामित्व लिनुपर्ने उनको भनाइ छ ।

उच्च शिक्षाका लागि पहाडी जिल्लाबाट विद्यार्थी सहरतर्फ जाने क्रम बढ्दा गाउँ रित्तिँदै गएको भन्दै उनले सामुदायिक क्याम्पसमा राज्यको लगानी बढाउनुपर्ने बताए । स्थानीय स्तरमै गुणस्तरीय उच्च शिक्षा उपलब्ध गराउन सामुदायिक क्याम्पसलाई व्यवस्थित र सुदृढ बनाउने नीति आवश्यक रहेको उनले औँल्याए ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
१० करोड खर्चेर बनाइएको कान्ति ताल बेवारिसे, भत्किँदै संरचना

१० करोड खर्चेर बनाइएको कान्ति ताल बेवारिसे, भत्किँदै संरचना

पर्यटकीय गन्तव्यका रूपमा विकास गर्ने उद्देश्यले करिब १० करोड रुपैयाँ खर्च गरेर निर्माण गरिएको नेपालगन्जको कान्ति ताल संरक्षण र व्यवस्थापनको अभावमा जीर्ण बन्दै गएको छ ।
यी स्थानमा आज वर्षा तथा हिमपातको सम्भावना

यी स्थानमा आज वर्षा तथा हिमपातको सम्भावना

पश्चिमी वायुको आंशिक प्रभावका कारण आज कोशी, बागमती, गण्डकी र लुम्बिनी प्रदेशका हिमाली तथा पहाडी भूभागमा आंशिक बदली रहनेछ ।
डलरदेखि पाउन्डसम्मको भाउ घट्यो, कुवेती दिनार झण्डै दुई रुपैयाँ सस्तियो

डलरदेखि पाउन्डसम्मको भाउ घट्यो, कुवेती दिनार झण्डै दुई रुपैयाँ सस्तियो

अमेरिकी डलरसहित अधिकांश विदेशी मुद्राको विनिमयदर घटेको छ ।
पर्यटकको पर्खाइमा डिल्पु कुण्ड

पर्यटकको पर्खाइमा डिल्पु कुण्ड

हिमाली जिल्ला रसुवा प्राकृतिक सौन्दर्य, धार्मिक आस्था र जैविक विविधतामा धनी छ ।